Heart Attack: હાર્ટ એટેક આવવાનો હોય તેના થોડા દિવસ પહેલા શરીરના આ અંગોમાં અનુભવાય છે ઝણઝણાટી

હાર્ટ અટેકનું એક મહત્વપૂર્ણ લક્ષણ છે કે શરીરના કેટલાક ભાગમાં ઝણઝણાટી થાય છે. રિસર્ચ અનુસાર હાર્ટ એટેક આવવાનો હોય તે પહેલા હાથ, પગ અને શરીરના કેટલાક ભાગમાં ઝણઝણાટી અનુભવાય છે અથવા તો શરીરના અંગ સુન્ન થઈ જાય છે.

હાર્ટ અટેક આવવાનો હોય તે પહેલા ડાબી તરફના ખભામાં સુન્નતા અનુભવાય છે. ઘણી વખત ખભામાં તીવ્ર દુખાવો થાય છે કે પછી સ્નાયુ જકડાઈ ગયા હોય તેવો પણ અનુભવ થાય છે. આવી સમસ્યાને ટાળવાને બદલે તુરંત ડોક્ટરનો સંપર્ક કરો

હાર્ટ અટેક આવે તે પહેલા ડાબો હાથ સુન્ન થઈ જાય છે અથવા તો હાથમાં સતત ઝણઝણાટી અનુભવાય છે. કેટલાક લોકોને રોજના કામ કરવામાં પણ સમસ્યા થાય છે. જો તમને બે દિવસથી વધારે આવી સમસ્યા રહે તો તુરંત ડોક્ટરનો સંપર્ક કરો. 

અચાનક જ ડાબી તરફનું જડબું દુખવા લાગે કે જડબામાં સુન્નતા આવી જાય. આ પણ હાર્ટ અટેક પહેલાનું એક લક્ષણ હોઈ શકે છે. ઘણી વખત મોઢામાં ઝણઝણાટી કે દુખાવો અનુભવાય છે આ સ્થિતિ હાર્ટ અટેક સંબંધિત હોઈ શકે છે.