ગોંડલ બન્યુ રામમય : 1008 બાળકોએ શ્રીરામનો વેશ કરીને નીકળતા અયોધ્યા જેવું લાગ્યું

Gondal News : સમગ્ર દેશમાં રામલલાને વધારવા માટે અનેકવિધ આયોજનો થઈ રહ્યા છે ત્યારે ગોંડલના શ્રી અક્ષર મંદિર ખાતે શ્રી રામ મંદિર મૂર્તિ પ્રતિષ્ઠા નિમિત્તે ભગવાન શ્રીરામ પૂજન સાથે અનેકવિધ ભક્તિ સભર આયોજનો કરવામાં આવ્યા છે. જેમાં 1008 બાળકોને રામ પરિવેશમાં ગોંડલના રાજમાર્ગ ઉપર યાત્રામાં જોડવામાં આવ્યા હતા. અક્ષર મંદિરના વિશાળ પરિસરમાં આ બાળકોએ શ્રીરામ ના નારા સાથે આ યાત્રાનો પ્રારંભ કર્યો હતો. આજના આ પરમ પવિત્ર અવસરે અક્ષર મંદિરે વિશાળ રંગોળી રચવામાં આવી છે અને મંદિરને ધજા પટાકા દ્વારા શણગારવામાં આવ્યું છે. આમ આજનો આ દિવ્ય પ્રસંગ સંતો અને ભક્તોની હાજરીમાં ધામધૂમપૂર્વક શ્રી અક્ષર મંદિરે ઉજવવામાં આવ્યો.