Virat Kohli: વિરાટની સદીએ જીતી લીધું અનુષ્કાનું દિલ, સોશિયલ મીડિયા પર કર્યો આવો મેસેજ
Anushka Sharma On Virat Kohli Century: એશિયા કપ 2023ની સુપર-4ની ત્રીજી મેચ ભારત અને પાકિસ્તાન વચ્ચે રમાઈ રહી છે. આ મેચમાં ટીમ ઈન્ડિયાના સ્કોરર વિરાટ કોહલીના બેટમાંથી શાનદાર સદીની ઈનિંગ જોવા મળી હતી. વનડે ક્રિકેટમાં કોહલીની આ 46મી સદી છે. હવે વિરાટ કોહલીની સદી પર પત્ની અનુષ્કા શર્માએ પોતાની પ્રતિક્રિયા આપી છે.
અનુષ્કા શર્માએ સોશિયલ મીડિયા પર વિરાટ કોહલીનો એક ફોટો શેર કર્યો છે, જેમાં તે પોતાનું બેટ ઊંચો કરીને સદી ફટકારીને ઉજવણી કરી રહ્યો છે. તેના પર અનુષ્કા શર્માએ લખ્યું, `Super Knock, Super Guy.`
વિરાટ કોહલીએ પાકિસ્તાન સામેની આ મેચમાં 94 બોલમાં 122 રનની અણનમ ઇનિંગ રમી હતી. વિરાટ કોહલીની વિસ્ફોટક ઇનિંગમાં 9 ફોર અને 3 સિક્સ સામેલ હતી.
વિરાટ કોહલીએ વન-ડે ઈન્ટરનેશનલ ક્રિકેટમાં 13000 રન પણ પૂરા કર્યા છે. વન ડે ઈન્ટરનેશનલ ક્રિકેટમાં વિરાટ કોહલીએ 278 મેચમાં 13024 રન બનાવ્યા છે. આ દરમિયાન વિરાટ કોહલીએ 47 સદી અને 65 અડધી સદી ફટકારી છે.
કોલંબોના આર પ્રેમદાસા સ્ટેડિયમમાં વિરાટ કોહલીની આ સતત ચોથી સદી છે. આ પહેલા વિરાટ કોહલીએ છેલ્લી ત્રણ ઇનિંગ્સમાં પણ અહીં સદી ફટકારી હતી.
વિરાટ કોહલી સિવાય કેએલ રાહુલે પણ 111 રનની અણનમ ઇનિંગ રમી છે. આ બે ખેલાડીઓના દમ પર ટીમ ઈન્ડિયાએ પાકિસ્તાનને 357 રનનો ટાર્ગેટ આપ્યો છે.
Trending Photos