ચંદ્રયાન 3 લેન્ડિંગ લાઈવ: ભારત માટે ઐતિહાસિક બનનારી ઘટનાને લઈ AMCની વિશેષ તૈયારી!
Chandrayaan 3: ઈસરોનું ચંદ્રયાન-3 રેકોર્ડ બનાવવા તરફ આગળ વધી રહ્યું છે. તે ચંદ્રની નજીક પહોંચી ગયું છે. હવે 23 ઓગસ્ટે (આવતીકાલે) ચંદ્રના દક્ષિણ ધ્રુવ પર સોફ્ટ લેન્ડિંગ કરશે. આવતીકાલે ચંદ્રયાન-3 સ્પેસ ક્રાફ્ટનું ચંદ્ર પર સોફ્ટ લેન્ડિંગ થશે. ભારત માટે ઐતિહાસિક બનનારી ઘટનાને લઈને અમદાવાદ મ્યુનિસિપલ કોર્પોરેશનની વિશેષ તૈયારી કરી લીધી છે. સ્માર્ટસિટી પ્રોજેક્ટ હસ્તકની 140 વિશાળ LED સ્ક્રીન પર સમગ્ર ઇવેન્ટનું જીવંત પ્રસારણ કરવામાં આવશે.
ભારત દેશ માટે વૈશ્વિક ગૌરવરૂપી ઘટનાના સામાન્ય નાગરિકો પણ સાક્ષી બની શકે એ માટે AMC દ્વારા વિશેષ આયોજન કરાયું છે. ચંદ્રયાન-3 ના ચંદ્ર પર સોફ્ટ લેન્ડિંગ સમયે ઘરે ઉપસ્થિત ન હોય એવા નાગરિકો AMCની LED સ્ક્રીન પર ગૌરવપૂર્ણ પળ નિહાળી શકશે. તમને જણાવી દઈએ કે શહેરના વિવિધ વિસ્તારોમાં led સ્ક્રીન આવેલી છે.
તમને જણાવી દઈએ કે ચંદ્રયાનના પ્રથમ અને બીજા મિશનના પ્રોજેક્ટ ડાયરેક્ટર એમ અન્નાદુરાઈ કહે છે કે 23 ઓગસ્ટની સાંજે સોફ્ટ લેન્ડિંગ ખાસ હશે. આ પ્રક્રિયાની છેલ્લી 20 મિનિટ ખૂબ જ મહત્વપૂર્ણ રહેશે.
સોફ્ટ લેન્ડિંગ શું છે અને તે શા માટે મહત્વપૂર્ણ છે ?
જો તમે સરળ ભાષામાં સમજીએ તો, જ્યારે કોઈ અવકાશયાનને કોઈ ગ્રહ પર એવી રીતે લેન્ડ કરવામાં આવે છે કે તેને કોઈપણ પ્રકારનું નુકસાન ન થાય ત્યારે તે પ્રક્રિયાને સોફ્ટ લેન્ડિંગ કહેવામાં આવે છે. તેનાથી વિપરીત, હાર્ડ લેન્ડિંગમાં, તેમાં હાજર મશીન અને સાધનોને નુકસાન થવાનું જોખમ રહેલું છે. જેના કારણે સમગ્ર મિશન બરબાદ થવાનું જોખમ છે. એટલા માટે ચંદ્રયાન-3 દ્વારા સોફ્ટ લેન્ડિંગની તૈયારી છે.
સોફ્ટ લેન્ડિંગ પછી શું થશે?
સોફ્ટ લેન્ડિંગ પછી, રોવર વિક્રમ લેન્ડરથી બહાર આવશે. આ રોવર ચંદ્રની માટીના નમૂના લેશે, તેનાથી સંબંધિત માહિતી એકત્રિત કરશે અને તેને પૃથ્વી પર મોકલશે. તે ચંદ્રને લગતી જે પણ માહિતી એકત્ર કરે છે, તે આ ગ્રહ સાથે જોડાયેલા ઘણા રહસ્યોને ઉકેલવામાં મદદ કરશે.
Trending Photos
- 5
- 5
- 9
- 7
