Year Ender 2018 : આ વર્ષે બોલિવૂડના અનેક સ્ટાર્સના ઘરે બંધાયું પારણું

ઝૈન કપૂર : શાહિદ અને મીરા કપૂર 5 સપ્ટેમ્બરે બીજીવાર માતા-પિતા બન્યા. તેમની મોટી દીકરી મિશા મીડિયામાં ભારે લોકપ્રિય છે. આ સિવાય દીકરા ઝૈનની તસવીર પણ વાઇરલ થવા લાગી છે. 

મેહર ધૂપિયા બેદી : નેહા ધૂપિયા અને અંગદ બેદીએ 10 મે, 2018ના દિવસે લગ્ન કર્યા હતા. લગ્નના કેટલાક મહિના પછી 24 ઓગસ્ટ, 2018ના દિવસે જોડીએ પ્રેગનન્સીની જાહેરાત કરી છે. આ પછી 18 નવેમ્બર, 2018ના દિવસે નેહા અને અંગદના પહેલા સંતાન મેહરનો જન્મ થયો હતો.

તેગ સોનિક : ગાયિકા સુનિધિ ચૌહાણે 2012માં સંગીતકાર હિતેશ સોનિક સાથે લગ્ન કર્યા હતા. લગ્નના 6 વર્ષ પછી સુનિધિએ દીકરા તેગ સોનિકને જન્મ આપ્યો હતો. દીકરાના જન્મ પછી સુનિધિએ તેની તસવીર શેયર કરી હતી.   

નૂરવી નીલ મુકેશ : નીલ નિતિન મુકેશ અને પત્ની રૂકમણિ સહાયના ઘરે 20 સપ્ટેમ્બર, 2018ના દિવસે દીકરીનો જન્મ થયો હતો. માતા-પિતાએ પોતાની ખૂબસુરત દીકરીનું નામ નુરવી નીલ મુકેશ રાખ્યું છે. નુરવીના જન્મ પછી નીલે તેની એક ક્યુટ તસવીર સોશિયલ મીડિયા પર પોસ્ટ કરી હતી.

અશર સિંહ વેબર અને નૂહ સિંહ વેબર : સની લિયોનીએ 2017ના જૂનમાં દીકરી નિશા કૌર વેબરને દત્તક લીધી હતી. આ પછી સની અને પતિ ડેનિયલ સરોગસીની મદદથી અશર સિંહ વેબર અને નૂહ સિંહ વેબર નામના દીકરાઓના પેરેન્ટ્સ બન્યા છે.  

સુફી અને સોલેલ : કેન્સર સામે જંગ જીત્યા પછી ઇન્ડો-કેનેડાઈ એક્ટ્રેસ લિસા રે અને પતિ જેસન ડેની 17 સપ્ટેમ્બર, 2018ના દિવસે જોડિયા બાળકીઓ સુફી અને સોલેલના માતા-પિતા બન્યા હતા. તેમનો જન્મ સરોગસી મારફતે થયો હતો.  

રોહિત ધવન અને જાન્હવીની દીકરી : વરૂણ ધવનના મોટા ભાઈ રોહિત ધવન તેમજ ભાભી જાન્હવી 29 મે, 2018ના દિવસે દીકરીના માતા-પિતા બન્યા હતા. વરૂણ પણ કાકા બનીને બહુ ખુશ થયો હતો અને તેણે એક પારિવારીક તસવીર પોસ્ટ પણ કરી હતી.