નવેમ્બર-ડિસેમ્બરમાં ટકરાશે બિગ-બજેટની 5 ફિલ્મો, દાવ પર લાગશે 900 કરોડ

બોલિવુડ માટે આગામી બે મહિના ચેલેન્જિંગ રહેશે. મોટા બજેટની ફિલ્મો હંમેશા પ્લાનિંગ કરીને જ ચોક્કસ સમયે રિલીઝ થતી હોય છે. તેમાં જ દિવાળી અને વેકેશનના સમયે ખાસ મોટા બજેટની ફિલ્મો રિલીઝ થતી હોય છે. બે મોટી ફિલ્મો અથડાય નહિ તે માટે પણ રિલીઝ ડેટનું ખાસ ધ્યાન રખાય છે. પરંતુ આ વખતે નવેમ્બર અને ડિસેમ્બર મહિનામાં એકસાથે 5 મોટા બજેટની ફિલ્મો અથડાશે. ગત 10 વર્ષમાં આવું પહેલીવાર બની રહ્યું છે કે મોટા બજેટની 5 ફિલ્મો બે મહિનાના અંતરમાં જ રિલીઝ થવાની છે. જેમાં ઠગ્સ ઓફ હિન્દુસ્તાન, ઝીરો, સિંબા, ટોટલ ધમાલ અને 2.0 જેવી ફિલ્મો છે. જેમાં ટોટલ મળીને 900 જેટલા રૂપિયા દાવ પર લાગ્યા છે. આ પાંચેય ફિલ્મ દમદાર કમાણી કરી આપે તેવી શક્યતા છે. પરંતુ જો બે મહિનાના ગાળામાં જ 5 ફિલ્મો રિલીઝ થશે તો બધી ફિલ્મોની કમાણી પર અસર થશે તેવી શક્યતા છે. તો જુઓ કઈ કઈ ફિલ્મોનું ભવિષ્ય બે મહિનામાં દાવ પર લાગવાનું છે.