Hair Care: સફેદ થયેલા વાળ પણ થઈ જશે કાળા, અઠવાડિયામાં 2 વખત કરો આ વસ્તુનો ઉપયોગ

White Hair Solution: આજના સમયમાં 25-30 વર્ષના યુવાનોના માથામાં પણ સફેદ વાળ હોય તે સામાન્ય વાત થઈ ગઈ છે. વાળ નાની ઉંમરમાં સફેદ થવા લાગે તો તેની અસર પર્સનાલિટી અને કોન્ફિડન્સ પર પણ પડે છે. જો તમારા માથામાં પણ સફેદ વાળ આવવા લાગ્યા હોય અને તમને તેનાથી છુટકારો મેળવવો હોય તો આજે તમને એક જોરદાર નુસખો જણાવીએ. આ ઘરેલુ નુસખો અજમાવવાથી સફેદ થયેલા વાળ પણ કાળા થઈ જશે.

લીમડાના પાનના ગુણ

આ પણ વાંચો:

Hair Care: ખરતા વાળ અટકાવવા હોય તો ખાવી આ 5 વસ્તુઓ, એક પણ વાળ નહીં જોવા મળે કાંસકામા

આ રીતે ફ્રિજમાં સ્ટોર કરશો તો લાંબા સમય સુધી તાજા રહેશે ભીંડા

Weight Loss: રોજ આ 4 રીતે કરો ચિયા સીડ્સનો ઉપયોગ, બરફની જેમ ઓગળશે પેટ અને કમરની ચરબી

સફેદ વાળને કુદરતી રીતે કાળા કરે છે લીમડાના પાન. મીઠા લીમડાના પાન નો ઉપયોગ તમે ઘણી વખત રસોઈમાં પણ કર્યો હશે. આ પાનમાં એવા ગુણ હોય છે જે વાળને સફેદ માંથી કાળા કરવામાં મદદ કરે છે. લીમડાના પાનમાં પ્રોટીન અને બીટા કેરોટીન ભરપૂર પ્રમાણમાં હોય છે જે વાળને જરૂરી પોષણ પૂરું પાડે છે. લીમડાના પાનનો જો યોગ્ય રીતે ઉપયોગ કરવામાં આવે તો તે વાળને કાળા કરવાની સાથે લાંબા પણ કરે છે. 

વાળમાં કેવી રીતે કરવો લીમડાનો ઉપયોગ ?

જે લોકોના વાળ સમય પહેલા જ સફેદ થવા લાગ્યા હોય તેમણે વાળ ઉપર લીમડાના પાનની પેસ્ટ લગાડવી જોઈએ. તેના માટે લીમડાના પાનને સારી રીતે ધોઈ તેમાં થોડું પાણી ઉમેરીને પેસ્ટ તૈયાર કરી લેવી. હવે આ પેસ્ટમાં અડધો કપ દહીં ઉમેરીને તેને વાળમાં સારી રીતે લગાડો. 30 મિનિટ સુધી વાળમાં આ પેસ્ટ લગાવો અને પછી હુંફાળા પાણીથી વાળ ધોઈ લો. અઠવાડિયામાં બે વખત તમે આ ઉપાય કરશો એટલે વાળ કાળા થવા લાગશે.

જે લોકોને ખરતા વાળની સમસ્યા હોય તેમના માટે પણ લીમડાના પાન ફાયદાકારક છે. ખરતા વાળને અટકાવવા અને નવા વાળ ઉગાડવા માટે એક વાટકી નાળિયેર તેલને ગરમ કરી તેમાં લીમડાના પાન ઉમેરી ઉકાળો. જ્યારે તેલનો રંગ બદલી જાય ત્યારે ગેસ બંધ કરી તેલને ઠંડુ થવા દો. તેલ ઠંડુ થાય પછી આ તેલથી વાળના મૂળમાં માલીશ કરો અને રાત આખી રહેવા દો. બીજા દિવસે વાળને શેમ્પુ કરી લો.

(Disclaimer: અહીં આપવામાં આવેલી માહિતી સામાન્ય જાણકારી પર આધારિત છે. ZEE 24 કલાક તેની પુષ્ટિ કરતું નથી.)