ત્રિપુરાના મુખ્યમંત્રી બિપ્લબ દેબે રાજીનામુ આપ્યુ, આજે સાંજે ધારાસભ્ય દળની બેઠક યોજાશે

નવી દિલ્હીઃ ત્રિપુરાથી મોટા સમાચાર સામે આવી રહ્યાં છે. ત્રિપુરાના મુખ્યમંત્રી બિપ્લવ દેબે પોતાના પદેથી રાજીનામુ આપી દીધુ છે. તેમણે પોતાનુ રાજીનામુ રાજ્યપાલ સત્યદેવ નારાયણ આર્યને સોંપી દીધુ છે. શુક્રવારે તેમણે ગૃહમંત્રી અમિત શાહ સાથે મુલાકાત કરી હતી. તો થોડા સમયમાં ભાજપ ધારાસભ્ય દળની બેઠક યોજાશે, જેમાં નવા મુખ્યમંત્રીની ચર્ચા થશે. તો કેન્દ્રીય મંત્રી ભૂપેન્દ્ર યાદવ અને ભાજપના રાષ્ટ્રીય મહાસચિવ વિનોદ તાવડેને ત્રિપુરાના પર્યવેક્ષક બનાવવામાં આવ્યા છે. 

હાઈકમાન્ડે લીધો નિર્ણય
મુખ્યમંત્રી પદેથી રાજીનામુ આપવા પર બિપ્લબ દેબે કહ્યુ કે તેમના માટે પાર્ટીનો નિર્ણય સર્વોપરિ છે. પાર્ટી હાઈકમાન્ડના કહેવા પર તેમણે પદ છોડી દીધુ છે. હવે તે પાર્ટીના સિપાહી તરીકે કામ કરતા રહેશે. પરંતુ નવા મુખ્યમંત્રી કોણ હશે તેનો કોઈ જવાબ આપ્યો નહીં. 

Tripura Chief Minister Biplab Kumar Deb tenders his resignation to Governor Tripura Governor Satyadeo Narain Arya. pic.twitter.com/T64nFGgOny

— ANI (@ANI) May 14, 2022

Under the leadership of Biplab Deb, there has been a lot of development in the state in the last 4 years. Today, he has tendered his resignation to the Governor: Union Minister & BJP central observer, Bhupender Yadav pic.twitter.com/agVIDeq63A

— ANI (@ANI) May 14, 2022

સામે આવી હતી નારાજગી
બિપ્લબ દેબને લઈને સંગઠનમાં નારાજગી ચાલી રહી હતી. બે ધારાસભ્યોએ પાર્ટી છોડી દીધી હતી. વિધાનસભા ચૂંટણીને જોતા ભાજપ કોઈ જોખમ લેવા ઈચ્છતુ નથી. મહત્વનું છે કે રાજ્યમાં 2023માં ચૂંટણી યોજાવાની છે. ગુજરાતની જેમ ત્રિપુરાના મંત્રીમંડળમાં પણ મોટા ફેરફાર થઈ શકે છે. રાજીનામા બાદ મુખ્યમંત્રી સંગઠનમાં કોઈ પદ સંભાળી શકે છે. 

મુખ્યમંત્રીને લઈને સંગઠનમાં હતી નારાજગી
બિપ્લબ દેબ વિરુદ્ધ પાર્ટીમાં સતત નારાજગી જોવા મળી રહી હતી. પાર્ટીના વરિષ્ઠ નેતાઓ તેમની વિરુદ્ધ દિલ્હીમાં સતત ફરિયાદ કરી રહ્યા હતા. આગામી વર્ષે રાજ્યમાં ચૂંટણી યોજાવાની છે, તેને જોતા ભાજપે બિપ્લબ દેબને હટાવવાનો નિર્ણય કર્યો છે. 

2018માં બન્યા હતા મુખ્યમંત્રી
મહત્વનું છે કે 2018ની ત્રિપુરા વિધાનસભા ચૂંટણીમાં ભાજપે ભવ્ય જીત મેળવી હતી. ભારતીય જનતા પાર્ટીએ નોર્થ-ઈસ્ટના આ રાજ્યમાં પ્રથમવાર સરકાર બનાવી હતી. ત્યારે બિપ્લબ દેબને પ્રદેશની કમાન સોંપવામાં  આવી હતી. હવે અહીં આગામી વર્ષે વિધાનસભા ચૂંટણી યોજાશે. 

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube