યૌન શોષણ અને બળાત્કાર મામલે સુપ્રીમ કોર્ટની કેન્દ્ર સરકારને નોટિસ
Trending Photos
- 8
- 7
- 5
- 10
)
નવી દિલ્હી : યૌન શોષણ અને બળાત્કાર કેસ મામલે મોટો ચૂકાદો આવી શકે છે. આવા કિસ્સામાં કેસની આખરી સુનાવણી ન થાય ત્યાં સુધી આરોપીઓની ઓળખ જાહેર ન કરવા મામલે કાયદામાં ફેરફાર થઇ શકે છે. યૌન શોષણ અને બળાત્કાર કેસમાં આરોપીની ઓળખ જાહેર ન કરવા અંગે થયેલી એક રિટ મામલે સુપ્રીમ કોર્ટે કેન્દ્ર સરકારને નોટિસ ફટકારી છે.
યૌન શોષણ અને બળાત્કાર કેસમાં પીડિતાની ઓળખ જાહેર ન કરવા અંગે કાયદો છે. સમાજમાં પીડિતાની ઓળખ છતી ન થાય અને એના માન સન્માનને અસર ન પહોંચે એ માટે પીડિતાની ઓળખ છતી કરવામાં આવતી નથી. પરંતુ આવા કિસ્સામાં જ્યાં સુધી આરોપી ગુનેગાર જાહેર ન થાય ત્યાં સુધી આરોપીની પણ ઓળખ જાહેર ન કરવા મામલે સુપ્રીમ કોર્ટમાં અરજી કરવામાં આવી છે.
સુપ્રીમ કોર્ટમાં આ મામલે ચાલી રહેલા કેસ સંદર્ભે સુપ્રીમ કોર્ટે કેન્દ્ર સરકારને નોટિસ ફટકારી છે. આ કેસમાં ફરિયાદી તરફે એવી રજૂઆત કરવામાં આવી છે કે, યૌન શોષણ અને બળાત્કાર કેસમાં જ્યાં સુધી આરોપી ગુનેગાર જાહેર ન થાય ત્યાં સુધી એની ઓળખ જાહેર કરવામાં ન આવે. આવા કિસ્સાઓમાં આરોપીની ઓળખ જાહેર કરવામાં આવતી હોવાથી સમાજમાં એની ભારે બદનામી થાય છે અને એના સન્માનને અસર પહોંચે છે.
બીજી તરફ એવું અનુમાન કરવામાં આવી રહ્યું છે કે, જો આ મામલે કોર્ટમાં કરાયેલી અરજી સંદર્ભે જો તરફેણમાં ચૂકાદો આવે તો કેસની આખરી તબક્કા સુધી આરોપીઓની ઓળખ જાહેર કરી નહીં શકાય. જો આરોપી ગુનેગાર સાબિત થાય તો જ એની ઓળખ જાહેર કરી શકાશે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
