Uttarakhand માં આકાશી આફતથી ભારે તબાહી, અત્યાર સુધીમાં 46 લોકોના ગયા જીવ

નવી દિલ્હી: ઉત્તરાખંડમાં એકવાર  ફરીથી વરસાદ, વાદળ ફાટવા અને અચાનક પૂર આવવાના કારણે તબાહી મચી ગઈ છે. રાજ્યના અનેક ભાગોમાં આ કુદરતી આફતના કારણે મૃત્યુઆંકનો આંકડો 46 સુધી પહોંચી ગયો છે. નૈનીતાલ અને અન્ય ક્ષેત્રોમાંથી એવા અનેક વીડિયો સામે આવ્યા છે જેમાં રસ્તાઓ અને પુલો પાણીમાં વહેતા જોવા મળી રહ્યા છે. રેલના પાટા સુદ્ધા વહી ગયા છે. 

ઉત્તરાખંડના સીએમ પુષ્કર સિંહ ધામીએ કહ્યું કે રાજ્યમાં જાનહાનિનો આંકડો 46 પર પહોંચ્યો છે. 11 લોકો ગૂમ છે અને કેટલાક લોકો ઘાયલ થયા છે. નૈનીતાલ ડિઝાસ્ટર મેનેજમેન્ટ વિભાગે જિલ્લામાં 25 લોકોના મોત અને સાત લોકો ગૂમ થયા હોવાની પુષ્ટિ કરી છે. મૃતકોમાં 14 યુપી અને બિહારના મજૂરો છે. જ્યારે ઝૂતિયા ગામમાં જ એક મકાનના કાટમાળમાં દીવાલ નીચે દબાઈ જવાથી પતિ પત્ની અને તેમના પુત્રના જીવ ગયા. આ ઉપરાંત નૈનીતાલના જ ક્વારબમાં 2, કેંચીધામ પાસે 2, બોહરાકોટમાં 2, જ્યોલીકોટમાં એક અને ભીમતાલના ખુટાનીમાં હલ્દુચૌડ રહીશ શિક્ષકના પુત્રનું કાટમાળ નીચે દબાઈ જવાથી મોત થયું. અત્યાર સુધીમાં 600થી વધુ લોકોનું રેસ્ક્યૂ કરાયું છે. 

As per the official information we have with us so far, 11 people are missing and there are some injured people too - taking the number to 46: Uttarakhand CM Pushkar Singh Dhami when asked about casualties in #UttarakhandRain pic.twitter.com/0VeIRbYEnw

— ANI (@ANI) October 20, 2021

અલ્મોડામાં છ, ચંપાવતમાં પાંચ લોકો જીવતા દટાયા
અલ્મોડામાં છ લોકોના કાટમાળ નીચે દબાઈ જવાથી મોત નિપજ્યા છે. જ્યારે ચંપાવતમાં પાંચ અને પિથૌરાગઢ-બાગેશ્વરમાં પણ એક એક વ્યક્તિનું મોત થયું છે. બાજપુરમાં તેજ પ્રવાહમાં તણાઈ જવાના કારણે એક કિસાનનુ મોત થયું. 

ઉત્તરાખંડના ડીજીપી અશોકકુમારે જણાવ્યું કે નૈનીતાલમાં 25 લોકોના મોત થઈ ચૂક્યા છે. મુખ્યમંત્રી પુષ્કર સિંહ ધામીએ કહ્યું કે મૃતકોના પરિજનોને 4-4 લાખ રૂપિયાનું વળતર અપાશે. ઘર ગુમાવનારાઓને 1.9 લાખ રૂપિયા અપાશે, જે લોકોએ પશુધન ગુમાવ્યું છે તેમને પણ દરેક શક્ય મદદ કરાશે. 

Held discussions over loss of lives, property, road, rescue operation, resumption of roads; have instructed officials to clear the debris from landslide so as to resume road connectivity: Uttarakhand CM Pushkar Singh Dhami on review meeting held in the wake of rains in the state pic.twitter.com/luYb65rISd

— ANI (@ANI) October 19, 2021

PM મોદીએ શોક જતાવ્યો
ઉત્તરાખંડમાં આવેલી કુદરતી આફત પર પીએમ મોદીએ ટ્વીટ કરીને શોક વ્યક્ત કર્યો. તેમણે કહ્યું કે ઉત્તરાખંડના કેટલાક ભાગોમાં ભારે વર્ષના કારણે લોકોના જીવ જવાથી હું વ્યથિત છું. ઘાયલ જલદી સાજા થાય. પ્રભાવિત લોકોની મદદ માટે બચાવ કાર્ય ચાલુ છે. હું તમામની સુરક્ષા અને ભલાઈ માટે પ્રાર્થના કરું છું. 

I am anguished by the loss of lives due to heavy rainfall in parts of Uttarakhand. May the injured recover soon. Rescue operations are underway to help those affected. I pray for everyone’s safety and well-being.

— Narendra Modi (@narendramodi) October 19, 2021

ઉત્તરાખંડમાં કુદરતી આફતને પગલે એનડીઆરએફની 15 ટીમો તૈનાત કરાઈ છે. ઉધમસિંહ નગરમાં અત્યાર સુધીમાં 300 લોકોનું રેસ્ક્યૂ કરાયું છે. ઉધમસિંહ નગરમાં એનડીઆરએફની 6 ટીમ, ઉત્તરકાશીમાં 2 ટીમ, ચમોલીમાં 2 ટીમ, દહેરાદૂનમાં 1 ટીમ, હરિદ્વારમાં 1 ટીમ, પિથોરાગઢમાં એક, નૈનીતાલમાં એક ફૂલ ટીમ અને એક સબ ટીમ, અલ્મોડામાં એક ટીમ તૈનાત કરાઈ છે. 
 

#WATCH | A portion of the railway line connecting Kathgodam and Delhi near Gaula river in Uttarakhand's Haldwani was damaged earlier today amid heavy rainfall in the region. pic.twitter.com/onYhSwhdlK

— ANI (@ANI) October 19, 2021