છત્તીસગઢમાં ફરી નક્સલી હુમલો, દૂરદર્શનના કેમેરામેનને મોતને ઘાટ ઊતાર્યો, 2 જવાન શહીદ

દંતેવાડા : છત્તીસગઢના દંતેવાડામાં નક્સલીઓએ દૂરદર્શનની ટીમ પર હુમલો કર્યો છે. જેમાં દૂરદર્શનના એક કેમેરામેન સહિત બે જવાન શહીદ થયા છે. પ્રાપ્ત માહિતી અનુસાર, જે સમયે દૂરદર્શનની ટીમ પર આ હુમલો થયો હતો, તેના થોડા સમય પહેલા જ આ વિસ્તારમાં નક્સલીઓ અને સેનાની વચ્ચે અથડામણ ચાલી રહ્યું હતું. જેમાં કેટલાક જવાન ઘાયલ થવાની સાથે બે જવાનોના શહીદ થવાના પણ સમાચાર મળ્યાં છે.

#UPDATE Two security personnel have also lost their lives in the attack by Naxals in Dantewada's Aranpur #Chhattisgarh https://t.co/VbvIfLHkFn

— ANI (@ANI) October 30, 2018

અરનપુર પોલીસ વિસ્તારની ઘટના
આ ઘટના દંતેવાડા જિલ્લાના નીલવાયા જંગલોની પાસની છે. આ વિસ્તાર અરનપુર પોલીસ સ્ટેશન અંતર્ગત આવે છે. ઉલ્લેખનીય છે કે, દૂરદર્શનની આ ટીમ એક કાર્યક્રમ શૂટ કરવા માટે દંતેવાડાના અરનપુર વિસ્તાર નજીક નીલવાયાના જંગલોમાં ગયું હતું. જ્યાં તેમને કેટલાક લોકો મળ્યા હતા. ટીમ મેમ્બર્સે જ્યારે આ લોકોની તપાસ કરી, તો તેમને જાણવા મળ્યું કે આ તમામ નક્સલી છે. 

બે પોલીસ કર્મચારીઓના મોત
નક્સલીઓને જેમ માલૂમ પડ્યું કે, આ ટીમ દૂરદર્શનની છે, તો તેઓએ અચાનક હુમલો કર્યો હતો. જેમાં ટીમની સાથે આવેલ કેમેરામેનનું ઘટના સ્થળે જ મોત થયું હતું. આ સાથે જ અથડામણમાં સેનાના બે જવાનોનું મોત થયું હતું. 

Today our patrolling party was ambushed by Naxals in Aranpur. Two of our personnel were martyred, and a DD cameraman was also injured and later succumbed. Two more personnel injured: DIG P Sundarraj #Chhattisgarh pic.twitter.com/ZgZMF6xdRJ

— ANI (@ANI) October 30, 2018

અન્ય બે ઘાયલ
આ ઘટનાની પુષ્ટિ કરતા દંતેવાજા રેન્જના ડીઆઈ પી.સુંદરાજે જણાવ્યું કે, અરનપુરમાં પેટ્રોલિંગ દરમિયાન થયેલ નક્સલી હુમલામાં સેનાના બે જવાન શહીદ થયા હતા. જ્યારે કે દૂરદર્શનના એક કેમેરામેનનું આ હુમલામાં મોત થયું હતું. ત્યાં બે લોકો હુમલામાં ગંભીર રીતે ઘાયલ થયા છે. જેમની સારવાર ચાલી રહી છે.