રાજકોટમાં નકલી પોલીસને આતંક, વેપારી પાસેથી 75 હજાર રૂપિયા પડાવ્યા
Trending Photos
- 5
- 5
- 5
- 5
)
રાજકોટ : શહેરમાં થોડા દિવસ પહેલા સોનાના વેપારીને ત્યાં પોલીસની ઓળખ આપીને દાગીના લઇ ગયા હોવાનો કિસ્સો સામે આવ્યો છે. ત્યારે ફરીથી આવો જ એક કિસ્સો સામે આવ્યો છે. રાજકોટનાં ચાંદીના એક યુવાન વેપારીને નકલી પોલીસ બની બેઠેલા ત્રણ જેટલા શખ્સો રૂપિયા પડાવ્યા હતા. જેની પોલીસ ફરિયાદ નોંધાતા પોલીસે બે નકલી કોન્સ્ટેબલની ધરપકડ કરી છે. જ્યારે નકલી પીએસઆઇની શોઘખોળ હાથ ધરી છે.
વેપારીએ ફરિયાદમાં જણાવ્યા અનુસાર 10 જુનના રોજ વેપારી દુકાનથી ઘરે જમવા માટે નિકળ્યા હતા. બપોરે લાખાજીરાજ રોડ પર પહોંચતા તેનું ટુ વ્હીલર બંધ પડ્યું હતું. જે રિપેરિંગ કરાવવા ગેરેજ શોધવા માટે વાહન દોરીને જઇ રહ્યા હતા. ત્યારે ત્રણ શખ્સો આવ્યા હતા. હાઇટ બોડી ધરાવતા વ્યક્તિ પોતે પીએસઆઇ છે.
બીજા બે પોતાનાં માણસો છે તેમ કહીને તુ આ બાજુ છોકરીઓ સાથે ખરાબ કામ કરવા આવ્યો હતો. તેને પુરી દેવાનો છે તેમ કહીને ધમકાતવા વેપારી ડરી ગયો હતો. જો ફરિયાદ ન કરવી હોય તો પૈસા આપવા પડશે તેમ કહેતા વેપારીએ આ વ્યક્તિના ઘરે જઇને 5000 રૂપિયા આપ્યા હતા.
પૈસાની લાલચ જોઇ ગયેલા નકલી પોલીસે થોડા દિવસ બાદ વેપારીના ઘરે જઇને સમાજમાં બદનામ કરી દેવાની ધમકી આપીને કટકે કટકે વધારે રૂપિયાની માંગણી કરી હતી. 75 હજાર રૂપિયા પડાવ્યા હતા. જો કે ફરી વાર 5 લાખની માંગ કરી હતી. જેથી વેપારીએ પુજાના રૂમમાં જઇને પોલીસને જાણ કરી હતી. પોલીસ પહોંચી હતી અને બંન્નેને ઝડપી લીધા હતા.
લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારીWhatsApp channel સાથે
