Srikanth On OTT: બોક્સ ઓફિસ પછી આ OTT પ્લેટફોર્મ પર ધુમ મચાવશે રાજકુમાર રાવની ફિલ્મ શ્રીકાંત

Srikanth On OTT: રાજકુમાર રાવની ફિલ્મ શ્રીકાંત 10 મે ના રોજ સિનેમાઘરોમાં રિલીઝ થઈ હતી. આ ફિલ્મનું નિર્દેશન તુષાર હીરાનંદાનીએ કર્યું હતું. આ ફિલ્મે બોક્સ ઓફિસ પર કમાણી તો ઠીકઠાક કરી હતી પરંતુ ફિલ્મના વખાણ ખૂબ જ થયા હતા. ખાસ તો રાજકુમાર રાવના અભિનયને લોકોએ ખૂબ જ પસંદ કર્યો હતો. શ્રીકાંત ફિલ્મમાં રાજકુમાર રાવે નેત્રહીન ઉદ્યોગપતિ શ્રીકાંત બોલાનું પાત્ર ભજવ્યું હતું અને તેની એક્ટિંગના ખૂબ વખાણ પણ થયા હતા. 

આ પણ વાંચો: બીજા ધર્મમાં લગ્ન કરવાને લઈને પહેલીવાર બોલી સોનાક્ષી, ટ્રોલર્સની બોલતી કરી દીધી બંધ

આ ફિલ્મ બોક્સ ઓફિસ પર સફળ રહી હતી અને હવે ઓટીટી પર ધમાલ બચાવવા માટે રિલીઝ થઈ ગઈ છે. જો તમે આ વિકેન્ડમાં કોઈ ફિલ્મ જોવાનું પ્લાન કરી રહ્યા છો તો રાજકુમાર રાવની આ ફિલ્મ બેસ્ટ ઓપ્શન રહેશે. રાજકુમાર રાવની ફિલ્મ બોક્સ ઓફિસ રિલીઝ થયાના બે મહિના પછી ઓટીટી પ્લેટફોર્મ પર સ્ટ્રીમ કરવામાં આવી છે. 

આ પણ વાંચો: Video: કીમોથેરાપી શરુ થતા હિના ખાને જાતે કાપી નાખ્યા વાળ, વીડિયો જોઈ ધબકારા વધી જશે

શ્રીકાંત ફિલ્મમાં રાજકુમાર રાવ ઉપરાંત અલાયા એફ, જ્યોતિકા, શરદ કેલકર મુખ્ય ભૂમિકાઓમાં જોવા મળશે. રાજકુમાર રાવની આ ફિલ્મ નેટફ્લિક્સ પર સ્ટ્રીમ કરવામાં આવી છે. આ અંગેની સત્તાવાર જાહેરાત નેટફ્લિક્સ તરફથી કરવામાં આવી હતી. નેટફ્લિક્સે તેના ઈંસ્ટાગ્રામ હેન્ડલ પર ફિલ્મ શ્રીકાંતનું પોસ્ટર શેર કરીને જણાવ્યું હતું કે ઓટીટી પ્લેટફોર્મ નેટફ્લિક્સ પર શ્રીકાંત ફિલ્મ 5 જુલાઈથી સ્ટ્રીમ થશે. 

આ ફિલ્મમાં દેખાડવામાં આવ્યું છે કે જન્મથી નેત્રહીન શ્રીકાંત કેવી રીતે પોતાના જીવનના ઉતાર-ચઢાવ અને સંઘર્ષ સામે લડીને સફળતા પ્રાપ્ત કરે છે.