ఇది రోజు తింటే కొవ్వు దెబ్బకు మెల్ట్ అవ్వాల్సిందే..

సలాడ్స్ రోజు తినడం ఎంతో మంచిదని ఆరోగ్య నిపుణులు చెబుతున్నారు. ఇందులో ఉండే అద్భుతమైన పోషకాలు మానవ శరీరానికి ఎంతగానో సహాయపడతాయి.

ముఖ్యంగా తెల్ల శనగల సలాడ్ రోజు తింటే ఎన్నో రకాల దీర్ఘకాలిక వ్యాధులు కూడా రాకుండా ఉంటాయని నిపుణులు చెబుతున్నారు.

అలాగే ఈ సలాడ్ తినడం వల్ల పొట్ట చుట్టూ పేరుకుపోయిన కొవ్వు తగ్గి బరువు కూడా తగ్గుతారని ఆరోగ్య నిపుణులు చెబుతున్నారు.

ముఖ్యంగా పోషకాహార లోపం వంటి సమస్యలతో బాధపడుతున్న వారు ప్రతిరోజు ఈ సలాడ్ ను తింటే విశేషమైన ప్రయోజనాలు పొందుతారు.

మీరు కూడా రోజు ఈ సలాడ్ ను తినాలనుకుంటున్నారా? ఇంకెందుకు ఆలస్యం ఇప్పుడే ఇలా తయారు చేసుకోండి.

కావలసిన పదార్థాలు: తెల్ల శనగలు: 1 కప్పు (రాత్రంతా నానబెట్టి ఉడికించినవి), టమాటోలు: 1 కప్పు (ముక్కలుగా తరిగిన), ఉల్లిపాయ: 1/2 కప్పు (ముక్కలుగా తరిగిన), క్యాప్సికం: 1/2 కప్పు (ముక్కలుగా తరిగిన)

కావలసిన పదార్థాలు: కీరదోసకాయ: 1/2 కప్పు (ముక్కలుగా తరిగిన), కొత్తిమీర: 1/4 కప్పు (తరిగిన), నిమ్మరసం: 2-3 టేబుల్ స్పూన్లు, ఆలివ్ ఆయిల్: 2-3 టేబుల్ స్పూన్లు, ఉప్పు: రుచికి తగినంత, మిరియాల పొడి: రుచికి తగినంత, చాట్ మసాలా: రుచికి తగినంత

తయారీ విధానం: ముందుగా ఈ సలాడ్ని చేసేందుకు తెల్ల శనగలను రాత్రంతా నానబెట్టుకొని ఉదయాన్నే వాటిని బాగా ఉడికించుకోవాల్సి ఉంటుంది.

ఇలా ఉడికించుకున్న తెల్ల శనగలను ఓ బౌల్లోకి తీసుకొని అందులో తరిగిన టమాటోలు, ఉల్లిపాయలు, క్యాప్సికం, కీరదోసకాయ వేసుకొని మిక్స్ చేసుకోండి.

ఇలా అన్ని మిక్స్ చేసుకున్న తర్వాత.. కొత్తిమీర నిమ్మరసం, ఆలివ్ ఆయిల్, ఉప్పు, మిరియాల పొడి, చాట్ మసాలా అన్ని వేసుకుని కలుపుకోండి..

ఇలా బాగా అన్నీ కలిసిన తర్వాత రెండు నిమిషాలు ఆగి సర్వ్ చేసుకోండి. ఇలా చేసిన సలాడ్ రోజు తింటే బరువుతో పాటు కొలెస్ట్రాల్ కూడా తగ్గుతుంది.