డ్రై ఫ్రూట్స్‌ నేరుగా తీసుకోవడం ఇష్టం లేని వారు ఈ షాక్‌ తయారు చేసుకొని తీసుకోవడం వల్ల ఆరోగ్యకరమైన బరువును పొందుతారని ఆరోగ్యనిపుణులు చెబుతున్నారు.

ఈ షేక్ తయారు చేయడం చాలా సులభం కావలసిన పదార్థాలు కూడా చాలా తక్కువ. డ్రై ఫ్రూట్స్ లోని పోషకాలు, పాల శక్తి మిమ్మల్ని రోజంతా శక్తివంతంగా ఉంచుతాయి.

దీనిని ప్రతిరోజు తీసుకోవడం వల్ల ఆరోగ్యకరమైన బరువును పొందవచ్చు.

ముఖ్యంగా చిన్న పిల్లలు తీసుకోవడం వల్ల వివిధ రకాల పోషకాలు, విటమిన్‌లు దొరుకుతాయి.

కావలసిన పదార్థాలు: 1 లీటర్ పాలు, 1/4 కప్పు మిశ్రమ డ్రై ఫ్రూట్స్ (బాదం, జీడిపప్పు, పిస్తా, వాల్‌నట్స్), 2 టేబుల్ స్పూన్ల పంచదార (రుచికి అనుగుణంగా)

కావలసిన పదార్థాలు: 1/4 టీస్పూన్ యాలకుల పొడి, 1/4 టీస్పూన్ దాల్చిన చెక్క పొడి, ఐస్ క్యూబ్స్ (అవసరమైతే), కొద్దిగా కుంకుమపువ్వు

తయారీ విధానం: డ్రై ఫ్రూట్స్ ను చిన్న ముక్కలుగా కోసుకోండి. ఒక గిన్నెలో పాలు, పంచదార, యాలకుల పొడి, దాల్చిన చెక్క పొడి, కుంకుమపువ్వు కలపండి.

మిశ్రమాన్ని బాగా మిక్స్ చేసి, మరిగించాలి. మిశ్రమం మరిగిన తర్వాత, డ్రై ఫ్రూట్స్ ముక్కలు వేసి 5 నిమిషాలు ఉడికించాలి.

స్టవ్ ఆఫ్ చేసి, మిశ్రమాన్ని చల్లబరచండి. చల్లబడిన మిశ్రమాన్ని మిక్సీలో వేసి, నునుపుగా పేస్ట్ చేసుకోండి.

ఐస్ క్యూబ్స్ (అవసరమైతే) వేసి మరోసారి బ్లెండ్ చేయండి. ఒక గ్లాసులో పోసి వెంటనే సర్వ్ చేయండి.

మీకు ఇష్టమైన డ్రై ఫ్రూట్స్ ను ఉపయోగించుకోవచ్చు.షేక్ కు మరింత రుచి కోసం ఖర్జూర పానకం కూడా వేసుకోవచ్చు.

పిల్లలకు ఇస్తున్నట్లయితే, పంచదార మొత్తాన్ని తగ్గించవచ్చు.