டெல்லி ஒற்றைப்படை இரட்டைப்படை விதி - தெரிந்துகொள்ள வேண்டிய விஷயங்கள்!

மாசுபாடு

மாசுக் கட்டுப்பாடு காரணமாக கார்களில் ஒற்றைப்படை, இரட்டைப்படை விதி டெல்லி அரசால் அமல்படுத்தப்பட உள்ளது.

எப்போது முதல்?

இந்த விதி வரும் நவ.13ஆம் தேதி முதல் நவ. 20ஆம் தேதி வரை அதாவது ஒரு வார காலத்திற்கு அமலில் இருக்கும்.

நேரம்

இது காலை 8 மணி முதல் மாலை 8 மணிவரை அமலில் இருக்கும்.

ஒற்றைப்படை நாள்கள்

இந்த நாள்களில் கார்களின் பதிவு எண்ணின் கடைசி இலக்கம் ஒற்றைப்படையாய் (1, 3, 5, 7, 9) இருந்தால் மட்டுமே அந்த கார்கள் சாலையில் செல்ல அனுமதிக்கப்படும்.

இரட்டைப்படை நாள்கள்

இந்த நாள்களில் கார்களின் பதிவு எண்ணின் கடைசி இலக்கம் இரட்டைப்படையாய் (0, 2, 4, 6, 8) இருந்தால் மட்டுமே அந்த கார்கள் சாலையில் செல்ல அனுமதிக்கப்படும்.

நீட்டிப்பு?

இது நவ. 20ஆம் தேதிக்கு பின் நீட்டிக்கப்படவும் வாய்ப்புள்ளது.

விதிவிலக்கு

ஆம்புலன்ஸ் போன்ற அவசர ஊர்திகளும், மகளிர் ஓட்டுநர்களுக்கும் மட்டும் சில விதிவிலக்குகள் வழங்கப்படுகின்றன.

அபராதம்

கடந்த முறை இந்த விதி அமல்படுத்தப்பட்டபோது, இதனை மீறியவர்களுக்கு தலா ரூ. 4 ஆயிரம் அபராதம் விதிக்கப்பட்டது.