திரிஷா குறித்து சர்ச்சை கருத்துக்கள் தெரிவித்ததாக, மன்சூர்-க்கு பிரபலங்கள் கடும் எதிர்ப்பை தெரிவித்திருந்தனர்.
தேசிய மகளிர் ஆணைய பரிந்துரைப்படி காவல் நிலையத்தில், மன்சூர் அலிகானுக்கு எதிராக வழக்கு பதிவு செய்யப்பட்டது.
பின்பு இந்த விவகாரத்தில் மன்சூர் அலிகான் மன்னிப்பு கோர, திரிஷாவும் மன்னிப்பை ஏற்றுக் கொண்டார்.
இந்த நிலையில், வீடியோவை பார்க்காமல் தனது நற்பெயருக்கு களங்கம் கற்பித்ததாக குற்றம் சாட்டி இருந்தார் மன்சூர்.
தனது நற்பெயருக்கு களங்கம் ஏற்படுத்தியதாக திரிஷா மீது மான நஷ்ட ஈடு வழக்கு தொடர்ந்து இருந்தார் மன்சூர்.
மேலும் குஷ்பூ, சிரஞ்சீவி ஆகியோர் மீதும் வழக்கு தொடர்ந்து இருந்தார்.
நீதிமன்ற நேரத்தை வீணடிக்கும் நோக்கத்திலும், விளம்பர நோக்கத்திற்காகவும் வழக்கு தொடரப்பட்டுள்ளதாக கூறி உயர்நீதிமன்றம் தள்ளுபடி செய்தது.
மேலும் நடிகர் மன்சூர் அலிகானுக்கு ஒரு லட்ச ரூபாய் அபராதமும் விதிக்கப்பட்டுள்ளது.
இந்த அபராதத் தொகையை இரண்டு வாரங்களில் சென்னை அடையாறு புற்றுநோய் மருத்துவமனைக்கு செலுத்த வேண்டுமென மன்சூர் அலிகானுக்கு நீதிபதி உத்தரவிட்டுள்ளார்.