தெலுங்கில், ‘லை’ திரைப்படம் மூலம் அறிமுகமான மேகா ஆகாஷ், தமிழில் முதன் முதலில் ‘பேட்ட’ படத்தில் நடித்தார்.
சென்னையை சேர்ந்த இவர், தெலுங்கில் சில படங்களில் நடித்த பிறகு, தமிழில் வந்தா ராஜாவா தான் வருவேன், பூமராங் உள்ளிட்ட படங்களில் நடித்தார்.
மேகா ஆகாஷ்-தனுஷ் நடிப்பில் ‘என்னை நோக்கி பாயும் தோட்டா’ படத்தின் பாடல்கள் வரவேற்பை பெற்ற அளவிற்கு படம் வரவேற்பை பெறவில்லை.
மேகா ஆகாஷ், தமிழை விட தொடர்ந்து தெலுங்கு மொழிகளில் நடிப்பதில் கவனம் செலுத்தி வருகிறார்.
தற்போது 28 வயதாகும் மேகா ஆகாஷிற்கு கடந்த சில நாட்களுக்கு முன்னர் திருமண நிச்சயதார்த்தம் நடைபெற்றது.
மேகா ஆகாஷ், சாய் விஷ்ணு என்பவரை திருமணம் செய்து கொள்ள இருக்கிறார். இவர்களின் நிச்சயதார்த்தம் சமீபத்தில் நடந்தது.
மேகா ஆகாஷும், சாய் விஷ்ணுவும் கடந்த 6 ஆண்டுகளாக காதலித்து வருவதாக கூறப்படுகிறது. தற்போது இவர்களின் திருமணம் நிச்சயதார்த்தம் புகைப்படங்கள் வைரலாகி வருகிறது.