மழைக்காலத்தில் வயிறு கெட்டுப்போகாமல் இருக்க என்ன செய்ய வேண்டும்?

மழைக்காலம் தொடங்கிவிட்ட நிலையில், தொற்றுநோய், காய்ச்சல், சளி உள்ளிட்ட பிரச்சனைகள் வரிசையாக வரத் தொடங்கும்.

அதனை எதிர்க்கொள்ள முன்னெச்சரிக்கையாக இருக்க வேண்டும். குறிப்பாக உணவு விஷயத்தில் கவனமாக இருக்க வேண்டும்.

இல்லையென்றால் வயிறு கெட்டுப்போய், செரிமான பிரச்சனைகள் ஏற்பட்டு பல்வேறு உடல் உபாதைகளுக்கு ஆளாக வேண்டியிருக்கும்.

இதனை தடுக்க மழைக்காலத்தில் என்ன செய்ய வேண்டும்?, முன்னெச்சரிக்கையாக இருப்பது எப்படி? என்பதை தெரிந்து கொள்வோம்.

எந்தவொரு உணவை சாப்பிடுவதற்கு முன்பு கைகளை சோப்பு போட்டு சுத்தமாக கழுவிட்டு சாப்பிடுங்கள்

பிரெஷ்ஷாக இருக்கும் காய்கறிகளை வாங்கவும். ஏற்கனவே கட் செய்து வைத்திருக்கும் காய்கறி பழங்களை வாங்காதீர்கள்

வாங்கி வரும் காய்கறிகள், பழங்கள் உள்ளிட்டவைகளை பத்திரமாகவும், பாதுகாப்பாகவும் வைக்கவும்

காய்கறிகளை சமைக்கும் முன் சுத்தமாக கழுவவும். அழுகியிருந்தால் அந்த பகுதியை வெட்டி வீசிவிடவும்.

எந்த உணவாக இருந்தாலும், குறிப்பாக இறைச்சி, மீன் உள்ளிட்ட உணவுகள் நன்கு வேக வைத்து சாப்பிடுவதை உறுதி செய்து கொள்ளுங்கள்

உடலுக்கு தேவையான தண்ணீர் குடிப்பதை உறுதிபடுத்திக் கொள்ளுங்கள். சாலையோர உணவுகளை முற்றிலும் தவிர்த்துவிடுங்கள்.