யானைகள் பற்றி நீங்கள் அறிந்திராத 10 சுவாரஸ்ய தகவல்கள்
யானைகள் உலகம் முழுவதும் பரவி வாழ்ந்து வரும் விலங்கு என்றாலும், அவற்றை பற்றிய சில தகவல்கள் மிகவும் சுவாரஸ்யமானவை
உலகின் மிகப்பெரிய விலங்கு என்றால் அது யானை தான். அதுவும் ஆப்பிரிக்க சவன்னா தான் எல்லா யானைகளைவிடவும் பெரியது. ஒரு யானையின் எடை சராசரியாக 6,000 கிலோ.
கிட்டதட்ட 60, 70 ஆண்டுகள் வாழும் ஆண் யானைகள் முழுமையான உடல் வடிவத்தைப் பெற கிட்டதட்ட 35 - 40 ஆண்டுகள் ஆகுமாம். பிறக்கும்போது ஒரு குட்டி யானை 120 கிலோ எடையுள்ளதாக இருக்கும்.
யானைகளை காதுகளை வைத்துதான் அடையாளம் கண்டுபிடிக்கிறார்கள். ஆசிய, ஆப்பிரிக்கா யானைகளுக்கு காதுகள் முற்றிலும் வித்தியாசமாக இருக்கும்.
யானைகளுக்கு உணர்ச்சிகள் தும்பிக்கையில் தான் இருக்கிறது. ஒருமுறை அதிகபட்சமாக 8 லிட்டர் தண்ணீர் வரை குடிக்கும் யானைகள்.
யானைக்கு தந்தங்கள் தான் உண்மையான வெட்டுப் பற்கள். 2 வயதாகும்போது யானைக்கு தந்தங்கள் வளரத் தொடங்கி, வாழ்நாள் முழுவதும் வளர்ந்து கொண்டே இருக்கும்.
தந்தங்களை உணவுகளை குத்தவும், பட்டைகள், வேர்களை எடுக்கவும் யானைகள் பயன்படுத்தும். இந்த தந்தங்களுக்காக தான் அவை கொல்லப்படுகின்றன என்பதும் வேதனையான உண்மை செய்தி.
யானையின் தோல் மிகவும் தடிமனானது. இந்த தோல் மடிப்பு, சுருக்கங்கள் மூலம் யானை 10 மடங்கு தண்ணீரை தக்கவைத்துக் கொள்ள முடியும். யானைகள் எப்போதும் சாப்பிட்டுக் கொண்டே இருக்கும்.
ஒரு நாளைக்கு 150 கிலோ உணவு வரை சாப்பிடும். நாளின் முக்கால்வாசி வரை உணவை உண்பதற்காகவே அலைந்து திரியும். ஒன்றையொன்று தொடர்பு கொள்ள ஒலிகளை யானைகள் பயன்படுத்துகின்றன. நில அதிர்வுகளையும் சமிக்கைகளாக கொடுக்கும்.
ஒரு குட்டி யானை பிறந்து 20 நிமிடங்களுக்குள் நிற்கும். 1 மணி நேரத்திற்குள் நடக்க முடியும். யானைகளின் கூட்டம் இடம்பெயர்ந்து கொண்டே இருக்கும். யானைக்கு ஞாபக சக்தி அதிகம். அவை அவ்வளவு எளிதில் ஒன்றை மறக்காது.
கடந்த நூற்றாண்டில் சுமார் 90% ஆப்பிரிக்க யானைகள் அழிக்கப்பட்டுவிட்டன. இன்று 415,000 காட்டு யானைகள் உயிருடன் இருப்பதாக மதிப்பிடப்பட்டுள்ளது. ஆசிய யானைகளும் அச்சுறுத்தலுக்கு உள்ளாகியுள்ளன, கடந்த மூன்று தலைமுறைகளில் குறைந்தது 50% குறைந்துள்ளது.