பிரதமர் மோடி உண்மையான ஓபிசி இல்லை - ராகுல்காந்தி

பிரதமர் மோடி ஓபிசி பிரிவை சேர்ந்தவர் என பாஜக பிரச்சாரம் செய்து வந்தது.

அதற்கு பதிலடி கொடுக்கும் விதமாக ராகுல்காந்தி புது அஸ்திரத்தை வீசியுள்ளார்.

அதாவது, மோடி பிறக்கும்போது அவர் ஓபிசி இல்லை, பொதுப்பிரிவை சேர்ந்தவர் என ராகுல் காந்தி தெரிவித்துள்ளார்.

பிரதமர் மோடி குஜராத்தில் தேலி என்ற பிரிவைச் சேர்ந்த குடும்பத்தில் பிறந்தவர். 2000 ஆம் ஆண்டில் அந்த சாதி பொதுப்பிரிவில் இருந்து பிற்படுத்தப்பட்ட வகுப்புக்கு பாஜக ஆட்சியில் மாற்றப்பட்டது.

பிரதமர் மோடி ஓபிசி என கூறி மக்களை தவறாக வழிநடத்துவதாகவும், அவர் சாதிவாரி கணக்கெடுப்பு நடத்தமாட்டார் என்றும் ராகுல் காந்தி தெரிவித்துள்ளார்.

மேலும், பிற்படுத்தப்பட்ட மக்களுக்காக பாஜக ஏதும் செய்யாது என்றும், பிரதமர் மோடி மக்களின் குறைகளுக்கு செவி சாய்க்கமாட்டார் என்றும் ராகுல்காந்தி விமர்சித்துள்ளார்.