பழம், பூ, தண்டு, இலை, காய் என வாழையின் எல்லா பாகங்களுக்கும் மருத்துவப் பயன்கள் இருப்பதைப்போல வாழை மரத்தின் வேரில் உள்ள வாழைக் கிழங்கும் பல்வேறு மருத்துவ குணங்களை உடையது.
மாவுச்சத்து, நார்ச்சத்து, புரதச்சத்து, இரும்புச்சத்து, சோடியம், பொட்டாசியம் போன்ற பல்வேறு சத்துக்கள் வாழைக்கிழங்கில் அடங்கியிருக்கின்றன.
ஒல்லியாக விரும்புகிறவர்களுக்கு வாழை கிழங்கு ஒரு சிறந்த மருந்து ஆகும். உடலில் கெட்ட கொழுப்பினை வாழைக்கிழங்கு குறைக்கிறது
வயிற்றுப் பகுதியில் உள்ள கொழுப்பை குறைத்து, தொப்பைப் பகுதியை இயல்பு நிலைக்கு கொண்டு வர உதவுகிறது. இது உடலில் உள்ள அதிக கொழுப்புச் சத்தைக் குறைக்க உதவுகிறது
வைட்டமின் பி 6 சத்தை அதிக அளவில் கொண்ட வாழைக் கிழங்கினை சாறாகவோ அல்லது உணவாகவோ பயன்படுத்தி வந்தால் ரத்த அழுத்தம் சமநிலைக்கு வரும்.
வயிற்றில் அமில பிரச்னை இருப்பவர்கள் வாழைக்கிழங்கை தொடர்ந்து பயன்படுத்தி வந்தால் நல்ல பலன் கிடைக்கும். வயிற்றின் அமிலத்தன்மையை சமநிலைப்படுத்தி நெஞ்செரிச்சலை போக்குகிறது.
கல்லடைப்பு உள்ளவர்கள் வாழை கிழங்கை தொடர்ந்து உணவில் சேர்த்து வந்தால் கல்லடைப்பு நீங்கும்
வாழையின் அனைத்து பாகங்களையும் போல அதன் பூவும் ஆரோக்கியத்தை மேம்படுத்தும்.
தினமும் காலையில் வாழைக்கிழங்கு சாறை ஜூஸாக அருந்தி வந்தால் சிறுநீரக கற்கள் கொஞ்சம் கொஞ்சமாக கரைந்து உடைந்து சிறுநீரோடு சேர்ந்து வெளியே வந்துவிடும்.
இந்தக் கட்டுரையில் குறிப்பிடப்பட்ட தகவல்கள் வெறும் தகவலுக்காக மட்டுமே, ஜீ நியூஸ் இதற்கு எந்தவிதத்திலும் பொறுப்பேற்காது