சிறுதானிய வகைகளுள் ஒன்றான ராகி, ஊட்டச்சத்துக்கள் நிறைந்த ஆரோக்கியமான தானியம் ஆகும். 100 கிராம் ராகியில் 320 கலோரிகள், புரதச்சத்து 7 கிராம் , கார்போட்ரேட் சத்துக்கள் 67 கிராம், நார்ச்சத்து 11 கிராம், கால்சியம், 364 மி.கி, இரும்புச்சத்து 4.62 மில்லி கிராம் உள்ளது
செரிமான மண்டலத்தை ஆரோக்கியமாக வைத்திருக்க உதவும் ராகியில் நார்ச்சத்துக்கள் அதிகம் உள்ளது. இது உடலின் வளர்சிதை மாற்றத்துக்கும், ஜீரணத்துக்கும் உதவுகிறது.
ராகி, உடல் எடையை குறைக்க உதவுகிறது. இதில் உல்ள புரதச்சத்து அடிக்கடி பசி ஏற்படாமல் தடுக்கிறது. உடல் எடை குறைப்புக்கு அவசியமான ஒன்று
ராகியை அவ்வப்ப்போது உண்பது, எலும்பு மற்றும் பற்களை வலுப்படுத்துகிறது. ராகியில் உள்ள கால்சியம் எலும்பை உறுதிப்படுத்துகிறது. இதனால் எலும்பு முறிவுகள் விரைவில் சீராகிறது.
கர்ப்பகாலத்திற்கு ஏற்ற உணவு என்றால் ராகியைச் சொல்லலாம். கர்ப்பிணிக்கு தேவையான கால்சியம் மற்றும் குழந்தை பிறப்புக்குப் பிறகு, தாய்ப்பால் சுரக்கவும், தாய்ப்பாலில் ஊட்டச்சத்துக்களை அதிகரிக்கவும் ராகி உதவுகிறது.
குழந்தைகளின் வளர்ச்சிக்கு தேவையான ஊட்டச்சத்துக்களை வழங்குகிறது. ராகி மாவு குழந்தைகளுக்கு கொடுக்கப்படும் பல்வேறு உணவுகளில் சேர்க்கப்பட்டு, குழந்தைகளின் ஊட்டச்சத்து அளவை அதிகரிக்கிறது.
ராகியில் உள்ள இரும்புச்சத்தின் மூலம் ரத்த சிவப்பணுக்களை உருவாக்கி அனீமியாவை எதிர்த்து போராடுகிறது.