நம் உடல் இயக்கத்திற்கு பக்கபலமான ஒன்றாக இருக்கும் முதுகெலும்பின் ஆரோக்கியம் மிக முக்கியம்.
உடல் செயல்பாட்டின் ஆணிவேராக இருக்கும் முதுகெலும்பு வளைந்து இருந்தாலோ, அல்லது கூன் விழுந்திருந்தாலோ மற்ற உறுப்புகள் சரியாக செயல்படாது.
முதுகெலும்பு வலுவிழந்தால் முதுகு வலி, தோள்பட்டை வலி, இடுப்பு என அன்றாட பணிகள் செய்வதே கடினமாகி விடும்.
ஆரஞ்சு நிற காய்கறிகளை சாப்பிடுவதாலும் முதுகுத்தண்டும் வலுவடைகிறது. பரங்கிக்காய், சக்கரை வள்ளிக் கிழங்கு, கேரட் போன்றவற்றை அடங்கும்
கீரை மற்றும் முட்டைக்கோஸ், புரோக்கோலி போன்ற பச்சை இலை காய்கறிகளில் எலும்பை வலுப்படுத்தும் ஊட்டச்சத்துக்கள் ஏராளமாக உள்ளன.
கால்சியம் மற்றும் வைட்டமின்-ஈ நிறைந்துள்ள பாதாம் பருப்பு, வாதுமை பருப்பு போன்ற நட்ஸ் வகைகளை சாப்பிட்டு வர முதுகெலும்பு வலுப்பெறும்.
கடல் உணவுகளில் குறிப்பாக சால்மன் மீன்களில் உள்ள மெலிந்த புரதம் முதுகெலும்பு ஆரோக்கியத்தை வலுப்படுத்தக்கூடியது.
மீன் உணவுகளில் ஒமேகா 3 கொழுப்பு அமிலங்கள் உள்ளன. எலும்பு அடர்த்தியை அதிகரிக்கப்பதோடு திசுக்களின் ஆரோக்கியத்தையும் மேம்படுத்தும்.