फरार मद्यसम्राट विजय मल्ल्याचा मुलगा सिद्धर्थ मल्ला नुकताच लग्नबंधनात अडकला. त्याच्या लग्नसोहळ्यातील अनेक फोटो सध्या सोशल मीडियावर व्हायरल होत आहेत.
सिद्धार्थ मल्ल्याच्या लग्नाच्या फोटोंमध्ये जिथं एकिकडे विजय मल्ल्या दिलसा, तिथंच आणखी एक चेहरासुद्धा या सोहळ्यादरम्यान सर्वांचं लक्ष वेधून गेला.
हा चेहरा म्हणजे आयपीएलमधील कथित घोटाळ्याप्रकरणी फरार असणारा ललित मोदी. त्यानंही ब्रिटनमधील हर्टफोर्डशेयर भागात पार पडलेल्या सिद्धार्थच्या लग्नाचा हजेरी लावली होती.
भारतीय बँकांची हजारो कोटींची फसवणूक करून पळ काढलेला मद्यसम्राट विजय मल्ल्या याच्या मुलाचा लग्नसोहळा नुकताच लंडनमध्ये पार पडला, जिथं त्यानं प्रेससीसोबतच्या नात्याला नवी ओळख दिली.
सिद्धर्थ जॅस्मिनचा लग्न सोहळा प्रथम ख्रिश्चन धर्मानुसार आणि नंतर हिंदू रितीरिवाजानुसार पार पडला. या लग्नसोहळ्यामुळं सर्वाधिक चर्चा मात्र फरार आणि कथित घोटाळेबाजांचीच झाल्याचं पाहायला मिळालं.
2010च्या IPL नंतर बीसीसीआयने ललित मोदीला निलंबित केलं होतं. IPL च्या गव्हर्निंग कौन्सिलटच्या अध्यक्षपदी असताना 753 कोटींची फसवणूक केल्याचा आरोप त्याच्यावर होता.
दरम्यान, सिद्धार्थ मल्ल्याचा लग्नात ललित मोदीव्यातिरिक्त इतरही अनेक पाहुण्यांची हजेरी होती. या लग्नातील फोटो सोशल मीडियावर वाऱ्याच्या वेगानं व्हायरल झाले.