चीनमधील एक दुकान आपल्या अजब जागेमुळे सध्या चर्चेत असून, सोशल मीडियावर व्हायरल झालं आहे.
हे दुकान जमिनीपासून तब्बल 393 फुटांवर असून, हवेत लटकत आहे.
चीनच्या हुनान प्रांतातील शिनिउझाई नॅशनल जिओलॉजिकल पार्कात एका डोंगरावर कडेला हे छोटंसं दुकान आहे.
या दुकानाला जगातील सर्वात जास्त गैरसोयीचं दुकान म्हणण्यात आलं आहे.
डोंगरावर चढताना ज्या ट्रेकर्सना रिफ्रेशमेंटसाठी ब्रेक हवा असतो, त्यांना हे दुकान पाणी, स्नॅक्स, अल्पोपहार तसंच इतर गोष्टी पुरवतं.
या दुकानाचे फोटो सोशल मीडियावर व्हायरल झाले आहेत.
कामगारांनी झिपलाइनचा वापर करत हे अनोखं दुकान उभं केलं आहे.