असं म्हणतात की शरीराच्या वेगवेगळ्या अवयवांवर असलेल्या तिळांना वेगवेगळं महत्त्व असतं.
सामुद्रिक शास्त्रामध्ये शरीरावरील तिळाबद्दल बरंच काही सांगण्यात आलं आहे. याच शास्त्रानुसार कोणता तीळ काय सूचित करतो पाहूयात...
कपाळावर तीळ असणं हे सौभाग्यवान असल्याचं लक्षण मानलं जातं.
सामुद्रिक शास्त्रानुसार कपाळावर तीळ असलेले लोक फार श्रीमंत असतात किंवा होतात.
नाकावर तीळ असलेल्या लोकांच्या आयुष्यात सुख आणि संपत्ती मोठ्या प्रमाणात असते.
मात्र नाकावर तीळ असलेल्या व्यक्तींपैकी अनेकांनी कितीही मेहनत केली तरी त्यांना यश येत नाही असंही होतं.
ओठांच्या वरील बाजूस तीळ असलेले लोकं फार गप्पा मारतात. लोकांना आपल्याकडे आर्षित करण्याची कला त्यांच्याकडे असते.
गालावर तीळ असलेल्यांना हा तीळ वाईट नजरेपासून वाचवतो असं म्हणतात.
सामुद्रिक शास्त्रानुसार गालावर तीळ असलेल्यांना फार मेहनत घ्यावी लागते. मात्र हे लोक भाग्यशाली असतात.
चेहऱ्यावर असलेला तीळ लाल रंगाचा असेल तर अशा व्यक्तींचं वैवाहिक आयुष्य फारसं समाधानी नसतं.
नाकाच्या खालील भागात तीळ असेल तर हे लोक इतरांशी फारसं बोलत नाहीत. अशा लोकांना इतर लोकांबरोबर मिसळायला आवडत नाही.
ओठांवर किंवा ओठांजवळ तीळ असेल तर अशी लोक फार हुशार असल्याचं मानलं जातं.
ओठांवर तीळ असलेल्या व्यक्तींमध्ये कामुक इच्छा फार तीव्र असतात.
ओठांजवळ किंवा ओठांवर तीळ असलेल्या व्यक्ती फार मुक्त विचारांच्या असतात असंही म्हटलं जातं.
(वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही.)