कामाचे ठिकाण असो किंवा घर, प्रत्येकाला आदर हवा आहे किंवा गांभीर्याने घ्यावे असे वाटतं असते.
परंतु बर्‍याच वेळा लोकांना या समस्येचा सामना करावा लागतो की त्यांना ना कामाच्या ठिकाणी सन्मान मिळतो ना घरी.
अशा लोकांना बर्‍याचदा वाईट वाटते, पण तुम्हाला माहित आहे का की तुमच्या काही सवयींमुळे तुमचा आदर होत नाही. त्या चुका कोणत्या आहेत ते आज जाणून घ्या...
लोक तुमचा आदर करत नाहीत याचे कारण तुम्ही तुमचे मत उघडपणे व्यक्त करत नाही. तुम्ही अनेकदा अस्पष्ट बोलून लोकांना गोंधळात टाकता. हेच कारण आहे की लोक तुमचे म्हणणे गांभीर्याने घेत नाहीत किंवा तुमचा आदर करत नाहीत.
काही लोकांना त्यांच्या चुका कधीच मान्य न करण्याची सवय असते. असे लोक कोणाला सहसा आवडत नाहीत.
जर तुम्ही तुमच्या चुकांसाठी इतरांना दोष देत असाल तर कदाचित लोक तुमचा आदर करणार नाहीत.
जर तुम्ही अशा लोकांपैकी एक असाल जे स्वतःच्या वेळेचा आदर करत नाहीत, तर हे शक्य आहे की इतर लोकं तुमचा आदर करणार नाहीत.
खरं तर, जेव्हा तुम्ही वेळ वाया घालवता तेव्हा समोरच्या व्यक्तीला असे वाटते की तुम्ही तुमच्या आयुष्यात कोणतीही गोष्ट गांभीर्याने घेत नाही. यामुळे समोरची व्यक्तीही तुम्हाला गांभीर्याने घेणे थांबवते.
जेव्हा एखादी व्यक्ती स्वतःच्या वेळेचा आदर करत नाही, तेव्हा लोक त्याला एक बेजबाबदार व्यक्ती मानतात आणि त्याला गांभीर्याने घेत नाहीत.
इतरांकडून आदर मिळविण्यासाठी, तुमचा स्वतःवर विश्वास असणे सर्वात महत्वाचे आहे. तुमच्या बोलण्यात किंवा बॉडी लँग्वेजमध्ये आत्मविश्वासाचा अभाव असेल तर समोरची व्यक्ती तुम्हाला कधीच गांभीर्याने घेणार नाही.
तुम्ही अशा लोकांपैकी आहात का जे उत्साहाने मोठमोठी आश्वासने देतात पण ती पूर्ण करायला विसरतात?
जर असे असेल तर लोकं तुमचा आदर का करत नाही, हे ते एक मोठे कारण असू शकते. जेव्हा तुम्ही वचन देता आणि ते पूर्ण करत नाही तेव्हा लोकांना वाटते की तुम्ही फक्त हवेत बोलत आहात.
तुमच्या या सवयीमुळे लोक तुम्हाला गांभीर्याने घेत नाहीत आणि तुमचा आदरही करत नाहीत.