भारतात दिवाळी सर्वात प्रसिद्ध सण आहे आणि दिवाळीला अगदी काही दिवसांचीच वेळ आहे. दिवाळी उत्सवात घरी अनेक स्वादिष्ट खाद्यपदार्थ बनतात.

यासाठी बरेच लोक हलवाई किंवा दुकानातून मिठाई खरेदी करतात पण बहुतेक लोक मिठाई घरी बनवण्यास प्राधान्य देतात.

जवळजवळ सर्व मिठाईंमध्ये मुख्य घटक खवा असतो, ज्याला मावा देखील म्हणतात. खव्याच्या शुद्धतेबद्दल नेहमीच चिंता असते, कारण दिवाळीत मोठ्या प्रमाणात भेसळ होत असल्याच्या घटना आपण ऐकतो.

तुम्हीही खवा वापरून बर्फी आणि लाडू बनवत असाल तर त्याची शुद्धता तपासण्यासाठी खालील पद्धती वापरू शकता.

खव्याची शुद्धता तपासण्याची सर्वात सोपी पद्धत म्हणजे तुम्ही बाजारातून विकत घेतलेल्या पॅकेटमधून फक्त एक चमचा खवा घ्या आणि एक कप गरम पाण्यात घाला. आता कपात थोडेसे मीठ टाका त्यात मीठ टाकल्यानंतर खवा निळा झाला तर त्यात स्टार्च वापरून भेसळ केली आहे.तर नसल्यास ते शुद्ध आणि वापरण्यास योग्य आहे.

पण आता या पद्धतीमुळे तुम्हाला खरेदीच्या वेळीच माव्याची शुद्धता तपासण्यास मदत होईल. शुद्ध आणि ताज्या माव्याला तेलकट आणि दाणेदार पोत असते. त्याची चव थोडी गोड लागते आणि तळहातावर घासल्यावर थोड तेल ही सुटतं. खरेदी करण्यापूर्वी थोडा मावा घ्या आणि तळहातावर घासून बघा.

अनेक मिठाईची दुकाने जे मोठ्या प्रमाणात मिठाई बनवतात ते तुपाऐवजी वनस्पती वापरतात, ज्यामुळे त्यांचे पैसे वाचतात आणि त्यांना मोठ्या मार्जिनची ऑफर मिळते.

मोठ्या प्रमाणात वनस्पतिचे सेवन हानिकारक असू शकते, कारण त्यात ट्रान्स फॅटचे प्रमाण जास्त असते आणि त्यामुळे स्ट्रोक किंवा हृदयविकाराचा झटका देखील येऊ शकतो.

माव्यामध्ये वनस्पति आहे कि नाही तपासण्यासाठी ते एका भांड्यात घेऊन त्यामध्ये १ चमचे साखर मिसळा आणि जर मिश्रण लाल झाले तर तुमचा मावा अशुद्ध आहे असे कळेल.

बाजारातून मावा विकत घेण्यापेक्षा तुम्ही सोप्या पद्धतीने घरी ही मावा बनवू शकता फक्त दुधाला मोठ्या कढईमध्ये उकळवा आणि ते शिजवून घट्ट करून घ्या. अशा प्रकारे तुम्ही घरी शुद्ध मावा बनवू शकता.