अनेकदा आपण वजन करण्यासाठी मशीनचा वापर करतो. मशीनवर दिसणारा वजनाचा आकडा पाहून अनेकांच्या कपाळावर आट्या येतात. मग यानंतर डाएटसारखे कार्यक्रम सुरु होतात.
पण अनेक लोक दिवसातून कोणत्याही वेळी वजन करतात. पण हे पूर्णपणे चुकीचं आहे. कारण जर तुम्हाला योग्य वजन कळलं नाही तर इतरही गोष्टींमध्येही गडबड होऊ शकते.
तज्ज्ञांच्या माहितीनुसार, वजन मोजण्यासाठी एक योग्य वेळ असते. त्याचवेळी वजन मोजणं सर्वात जास्त योग्य आहे.
सायन्स सांगतं की, वजन करण्याआधी ब्लॅडर रिकामं करणं गरजेचं आहे. अन्यथा युरिनचं वजनही तुमच्या वजनात गणलं जातं. यामुळे वजन कऱण्याआधी मूत्रविसर्जन करुन घ्या.
वजन करताना पोट रिकामं ठेवा. वजन करण्याआधी पाणी, औषध, चहा. कॉफी यांचं सेवन करु नका.
प्रत्येकाच्या वजनात 500 ग्रॅम ते 1 किलोपर्यंत बदल होत असतात. त्यामुळे तितका अंदाज ठेवा
दिवसभराच्या हालचाली, व्यायम यामुळे संध्याकाळी वजन केलं तर ते कमीच येणार. त्यामुळे सकाळी रिकाम्या पोटी वजन करणं सर्वात योग्य वेळ आहे.
सकाळी आपलं पोट रिकामी असतं त्यामुळे ती वजन मोजण्यासाठी सर्वात योग्य वेळ आहे. याउलट संध्याकाळपर्यंत आपण 2 ते 3 वेळा काहीतरी खाल्लेलं असतं, पाणी प्यायलेलं असतं जे वजनात मोजलं जातं.
महिन्यातून एकदा वजन मोजत असाल तर ते पुरेसं आहे. रोज वजन मोजण्याची गरज नाही.
आपलं वजन हे आपण आदल्या दिवशी काय खाल्लं होतं, किती पाणी प्यायलं होतं. कोणतं औषध घेतलं होतं, किती व्यायाम केला होता यावर अवलंबून असतं.