पावसाळ्यात अनेकजण केस तुटण्याची आणि गळण्याची तक्रार करत असतात.
केसं गळणं पावसाळ्यात सामान्य बाब आहे. याचं कारण पावसाळ्यात हवेतील ओलसरपणा वाढतो, ज्यामुळे केस कमुकवत होतात.
हवेतील अधिक ओलसरपणा असल्याने डोक्यावरील त्वचेवर फंगल आणि बॅक्टेरियल इंफेक्शन होऊ शकतं, जे केस गळतीचं कारण ठरतं.
जर तुम्हाला पावसात भिजण्यास आवडत असेल तर ते तुमच्या केसांसाठी जास्त नुकसानकारक ठरु शकतं.
पावसाळ्यात केसांमध्ये कोंडाही होतो, जे केस गळण्यासाठी कारणीभूत ठरतात.
पावसाळ्यात केसगळती रोखण्यासाठी काही टिप्स तुम्हाला मदतशीर ठरु शकतात.
केस स्वच्छ ठेवण्यासाठी आपले केस नियमितपणे धुवा. केस धुण्यासाठी तुमच्या केसांना सूट होईल असाच शॅम्पू वापरा.
विंचरण्याआधी किंवा झोपण्याआधी केस सुकवून घ्या. भिजलेल्या केसांमध्ये फंगल इंफेक्शन आणि तुटण्याचा धोका असतो.
जर तुमचे केस गळत असतील तर वेगवेगळ्या हेअरस्टाइल कऱणं ते घट्ट बांधणं टाळा. तसंच हेअर ड्रायरचा वापरही कमी करा.
केस विंचरण्यासाठी मोठ्या दातांच्या कंगव्याचा वापर करा. तसंच हलक्या हाताने केस विंचरा.
तसंच केसगळती थांबवण्यासाठी जास्त प्रमाणात पाणी प्या. आहारही नीट करा.
पण जर यानंतरही तुमची केसगळती थांबत नसेल तर मात्र त्वचारोग तज्ज्ञांची भेट घेत योग्य सल्ला घ्या.