नारळाचे पाणी पिण्याचे आरोग्याच्या दृष्टीने फायदेशीर असले तरीही त्यांचे सेवन योग्य प्रमाणात करणे महत्त्वाचे आहे.
नारळात 94 % पाणी असून त्यामध्ये फॅट्सचे प्रमाण कमी असते. त्यासोबत, या पाण्यात पोटॅशियम, मीठ आणि मॅग्नेशियम सारखी महत्त्वपूर्ण खनिजे असतात.
नारळाच्या पाण्यामुळे शरीर हायड्रेटेड ठेवण्यास मदत होते. त्याचबरोबर बारीक रेषा आणि सुरकुत्या हाताळण्यास देखील मदत होते. त्वचेचे नुकसान होण्यापासून संरक्षण करण्यासाठी अँटिऑक्सिडंट्स देखील यामध्ये असतात.
किडनी स्टोन टाळण्यासाठी डॉक्टर भरपूर पाणी प्यायला सांगतात पण थोडे नारळाचे पाणीही प्यावं. नारळ पाण्यामुळे किडनी स्टोन तयार करणाऱ्या खनिजांची एकाग्रता कमी होते.
नारळाच्या पाण्यात फायबर आढळते जे पचन सुधारण्यास मदत करते. त्यात एंजाइम देखील असतात जे तुम्ही खात असलेले अन्न पचवण्यासाठी फायद्याचं असतं. यामुळे पोटाचे आजार दूर राहतात.
नारळाच्या पाण्यात पोटॅशियम, सोडियम आणि मॅग्नेशियम असते जे महत्वाचे इलेक्ट्रोलाइट्स आहेत जे शरीरातील द्रव संतुलन नियंत्रित करण्यास मदत करतात. ज्यांना खूप घाम येतो त्यांच्यासाठी हे उपयुक्त ठरू शकते.
नारळाच्या पाण्यामुळे रक्तदाब कमी होण्यास मदत होते. उच्च रक्तदाब असलेल्या लोकांसाठी हे विशेषतः चांगले आहे. उच्च पोटॅशियम सामग्रीमुळे ते सोडियमच्या प्रभावांना संतुलित करण्यास मदत होते.