आरोग्याला सर्वात फायद्याच्या सुक्यामेव्यामध्ये बदामाचा समावेश होतो. त्यामुळेच अनेक आहारतज्ज्ञही बदाम खाण्याचा सल्ला देतात.
बदामामध्ये व्हिटॅमिन ए, बी, सी, ई तसेच मॅग्नेशिअम, फॉस्फोरससारखे पोषकतत्वही असतात.
बदाम योग्य पद्धतीने खाल्ल्यास त्याचा आरोग्याला फायदा होतो. तसेच बदाम खाल्ल्याने स्मरणशक्ती वाढण्याबरोबरच मेंदू तल्लख होतो.
खरं तर बदाम खाण्याची एक योग्य पद्धत असते. ही पद्धत व्यवस्थीत फॉलो केली तर बदाम खाण्याचा अधिक फायदा नक्कीच मिळतो.
कच्चे बदाम खाण्याऐवजी रात्रभर पाण्यात भिजवलेले बदाम सकाळी रिकाम्या पोटी खाणं अधिक फायद्याचं ठरतं.
बदाम भिजवून खाल्ल्याने त्यामधील उष्णता काही प्रमाणात कमी होते त्यामुळेच उन्हाळतही तुम्ही बदाम खाऊ शकता.
बदामामध्ये मोठ्या प्रमाणात अॅण्टीऑक्सीडंट असतात. त्यामुळे पचनासंदर्भातील समस्या दूर होण्यास मदत होते. यामुळे इतरही अनेक आजारांपासून संरक्षण मिळते.
बदामामध्ये मोठ्याप्रमाणात फायबरचं प्रमाण असतं. त्यामुळे बदाम खाल्ल्याने बराच वेळ पोट भरल्यासारखं वाटतं.
बदाम खाल्ल्याने पोट भरल्यासारखं वाटत असल्याने वजन कमी करण्यासाठीही ते फायद्याचं ठरतं.
बदामामधील 'व्हिटॅमिन ई'मुळे चेहऱ्यावरील सुरकुत्या पडण्याची समस्या दूर होण्यास मदत होते.
बदामामामध्ये फॉस्फोरस असतं. त्यामुळे हाडं मजबूत होण्यास आणि दात बळकट होण्यास मदत होते.
Disclaimer - वरील माहिती सर्वसामान्य माहिती आणि संदर्भांवर आधारित असून, झी 24 तास याची खातरजमा करत नाही. आरोग्यविषयक कोणताही निर्णय घेण्याआधी डॉक्टरांचा सल्ला घ्यावा.