बॉलिवूड म्हणजेच बिग बी असं मागील पाच दशकांहून अधिक काळापासून जणू काही समीकरणच झाल्याप्रमाणे अमिताभ बच्चन मनोरंजन सृष्टीवर राज्य करत आङेत.
अमिताभ यांनी असंख्य चित्रपटांमध्ये काम केलं आहे. त्यांचे काही दशकांपूर्वीचे चित्रपट आजही अनेकांना अगदी तोंडपाठ आहेत, असं म्हटलं तर अतिशयोक्ती ठरणार नाही.
1970 ते 1980 च्या दशकामध्ये अमिताभ त्यांच्या करिअरच्या सर्वोच्च स्थानी होते. या काळात त्यांनी काही सुपरहीट चित्रपट दिले.
असाच एक चित्रपट 1978 साली प्रदर्शित झाला होता. या चित्रपटाचं वैशिष्ट्य म्हणजे चित्रपटाच्या पहिल्या अर्ध्या तासातच अमिताभ यांनी साकारलेली व्यक्तीरेखा मरण पावते असं दाखवण्यात आलेलं. मात्र त्यानंतर या चित्रपटाने दमदार कामगिरी केलेली.
आपण ज्या चित्रपटाबद्दल बोलतोय त्याचं नाव आहे 'डॉन'! हा चित्रपट 160 मिनिटांचा होता.
मात्र या चित्रपटात अमिताभ यांनी साकारलेला डॉन पहिल्या 35 मिनिटांमध्येच मरतो, असं कथानक आहे.
अर्थात अमिताभ यांनी या चित्रपटात डबल रोल केल्याने डॉनसारखाच दिसणारा विजयनंतर कथानकाचं मुख्य पात्र होतं.
1978 मधील सर्वात यशस्वी चित्रपटाबद्दल बोलताना आजही 'डॉन'चं नाव आवर्जून घेतलं जातं. अमिताभ यांनी साकारलेल्या दोन्ही भूमिका अजरामर झाल्या.
'डॉन' चित्रपटाचा रिमेक 2006 साली तयार करण्यात आला होता.
'डॉन' चित्रपटात शाहरुख खानने डॉनची भूमिका साकारलेली. याचा सिक्वेल 2011 ला आला.
आता 'डॉन 3' ची घोषणा करण्यात आली असून त्यामध्ये रणवीर सिंग मुख्य भूमिका साकारणार आहे.