India Vs Pakistan Highlights, World Cup 2023, World Cup 2023: ਭਾਰਤ ਨੇ ਪਾਕਿਸਤਾਨ ਨੂੰ 7 ਵਿਕਟਾਂ ਨਾਲ ਦਿੱਤੀ ਮਾਤ; ਵਿਸ਼ਵ ਕੱਪ 'ਚ ਲਗਾਤਾਰ ਤੀਜੀ ਜਿੱਤ

ਭਾਰਤ ਦੀ ਵੱਡੀ ਜਿੱਤ

ਅਹਿਮਦਾਬਾਦ ਦੇ ਨਰਿੰਦਰ ਮੋਦੀ ਸਟੇਡੀਅਮ 'ਚ ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਨੇ ਟਾਸ ਜਿੱਤ ਕੇ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ। ਪਾਕਿਸਤਾਨ ਦੀ ਟੀਮ 42.5 ਓਵਰਾਂ 'ਚ 191 ਦੌੜਾਂ 'ਤੇ ਸਿਮਟ ਗਈ। ਜਵਾਬ 'ਚ ਭਾਰਤ ਨੇ 30.3 ਓਵਰਾਂ 'ਚ ਤਿੰਨ ਵਿਕਟਾਂ 'ਤੇ 192 ਦੌੜਾਂ ਬਣਾ ਕੇ ਮੈਚ ਜਿੱਤ ਲਿਆ। ਟੀਮ ਇੰਡੀਆ ਨੇ ਵਿਸ਼ਵ ਕੱਪ ਦੇ ਇਤਿਹਾਸ 'ਚ ਪਾਕਿਸਤਾਨ ਖਿਲਾਫ ਆਪਣੀ ਜਿੱਤ ਦਾ ਸਿਲਸਿਲਾ ਜਾਰੀ ਰੱਖਿਆ ਹੈ। ਇਹ ਉਸ ਦੀ ਅੱਠਵੀਂ ਜਿੱਤ ਹੈ। ਹੁਣ ਭਾਰਤ ਇਸ ਟੂਰਨਾਮੈਂਟ ਵਿੱਚ ਉਸ ਤੋਂ ਨਹੀਂ ਹਾਰਿਆ ਹੈ।

ਭਾਰਤ ਨੂੰ ਵੱਡਾ ਝਟਕਾ ਲੱਗਾ ਹੈ
ਭਾਰਤ ਨੂੰ ਤੀਜਾ ਝਟਕਾ ਰੋਹਿਤ ਸ਼ਰਮਾ ਦੇ ਰੂਪ 'ਚ ਲੱਗਾ। ਉਹ ਲਗਾਤਾਰ ਦੂਜੇ ਮੈਚ ਵਿੱਚ ਸੈਂਕੜਾ ਬਣਾਉਣ ਤੋਂ ਖੁੰਝ ਗਏ। ਰੋਹਿਤ 86 ਦੌੜਾਂ ਬਣਾ ਕੇ ਆਊਟ ਹੋਏ। ਇਫਤਿਖਾਰ ਅਹਿਮਦ ਨੇ ਸ਼ਾਹੀਨ ਅਫਰੀਦੀ ਦੀ ਗੇਂਦ 'ਤੇ ਕੈਚ ਲਿਆ। ਰੋਹਿਤ ਨੇ ਆਪਣੀ ਪਾਰੀ ਵਿੱਚ ਛੇ ਚੌਕੇ ਅਤੇ ਛੇ ਛੱਕੇ ਜੜੇ।

ਭਾਰਤ ਜਿੱਤ ਦੇ ਨੇੜੇ ਪੁੱਜਾ
ਭਾਰਤੀ ਟੀਮ ਨੇ 21 ਓਵਰਾਂ 'ਚ ਦੋ ਵਿਕਟਾਂ 'ਤੇ 154 ਦੌੜਾਂ ਬਣਾ ਲਈਆਂ ਹਨ। ਕਪਤਾਨ ਰੋਹਿਤ ਸ਼ਰਮਾ 85 ਅਤੇ ਸ਼੍ਰੇਅਸ ਅਈਅਰ 35 ਦੌੜਾਂ ਬਣਾ ਕੇ ਨਾਬਾਦ ਹਨ। ਦੋਵਾਂ ਨੇ ਤੀਜੀ ਵਿਕਟ ਲਈ 75 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਟੀਮ ਇੰਡੀਆ ਨੂੰ ਜਿੱਤ ਲਈ 38 ਦੌੜਾਂ ਦੀ ਲੋੜ ਹੈ।

ਭਾਰਤ ਨੂੰ ਲੱਗਿਆ ਦੂਜਾ ਝਟਕਾ; ਇਹ ਖਿਡਾਰੀ ਹੋਇਆ ਆਊਟ
ਭਾਰਤ ਨੂੰ ਵਿਰਾਟ ਕੋਹਲੀ ਦੇ ਰੂਪ ਵਿੱਚ ਦੂਜਾ ਝਟਕਾ ਲੱਗਿਆ। ਵਿਰਾਟ ਕੋਹਲੀ 16 ਦੌੜਾਂ ਬਣਾ ਕੇ ਹਸਨ ਅਲੀ ਦਾ ਸ਼ਿਕਾਰ ਬਣੇ। ਹੁਣ ਤੱਕ ਭਾਰਤ ਨੇ ਦੋ ਵਿਕਟਾਂ ਦੇ ਨੁਕਸਾਨ ਉਤੇ 79 ਦੌੜਾ ਬਣਾ ਲਈਆਂ ਹਨ।

ਭਾਰਤ ਨੂੰ ਲੱਗਾ ਪਹਿਲਾਂ ਝਟਕਾ, ਗਿੱਲ ਆਊਟ

23 ਦੌੜਾਂ ਉਪਰ ਭਾਰਤ ਨੂੰ ਸ਼ੁਭਮਨ ਗਿੱਲ ਦੇ ਰੂਪ ਵਿੱਚ ਪਹਿਲਾਂ ਝਟਕਾ ਲੱਗਾ। ਸ਼ਾਹਿਦ ਅਫਰੀਦੀ ਨੇ ਗਿੱਲ ਨੂੰ 16 ਦੌੜਾਂ ਉਪਰ ਉਪਰ ਸ਼ਾਦਿਬ ਖਾਨ ਦੇ ਹੱਥੋਂ ਕੈਚ ਆਊਟ ਕਰਵਾਇਆ।

ਪਾਕਿਸਤਾਨ ਦੀ ਟੀਮ 191 ਦੌੜਾਂ 'ਤੇ ਢੇਰ
ਇੱਕ ਰੋਜ਼ਾ ਵਿਸ਼ਵ ਕੱਪ 2023 ਵਿੱਚ ਟੀਮ ਇੰਡੀਆ ਦਾ ਤੀਜਾ ਮੈਚ ਕੱਟੜ ਵਿਰੋਧੀ ਪਾਕਿਸਤਾਨ ਨਾਲ ਹੈ। ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਕੀਤਾ ਅਤੇ ਭਾਰਤੀ ਗੇਂਦਬਾਜ਼ਾਂ ਨੇ ਪਾਕਿਸਤਾਨ ਨੂੰ 191 ਦੌੜਾਂ 'ਤੇ ਆਊਟ ਕਰ ਦਿੱਤਾ। ਇਸ ਮੈਚ ਵਿੱਚ ਪਾਕਿਸਤਾਨ ਦੀ ਸ਼ੁਰੂਆਤ ਚੰਗੀ ਰਹੀ। ਇਕ ਸਮੇਂ ਪਾਕਿਸਤਾਨ ਦਾ ਸਕੋਰ ਦੋ ਵਿਕਟਾਂ 'ਤੇ 155 ਦੌੜਾਂ ਸੀ। ਇਸ ਤੋਂ ਬਾਅਦ ਸਿਰਾਜ ਨੇ ਬਾਬਰ ਨੂੰ ਆਊਟ ਕਰਕੇ ਸਾਂਝੇਦਾਰੀ ਨੂੰ ਤੋੜਿਆ ਅਤੇ ਕੁਲਦੀਪ ਯਾਦਵ ਨੇ ਇੱਕੋ ਓਵਰ ਵਿੱਚ ਦੋ ਵਿਕਟਾਂ ਲੈ ਕੇ ਭਾਰਤ ਦੀ ਵਾਪਸੀ ਕੀਤੀ। ਮੁਹੰਮਦ ਸਿਰਾਜ ਨੇ ਸ਼ੁਰੂਆਤ 'ਚ ਦੌੜਾਂ ਦੇਣ ਤੋਂ ਬਾਅਦ ਸ਼ਾਨਦਾਰ ਵਾਪਸੀ ਕੀਤੀ ਅਤੇ ਦੋ ਵਿਕਟਾਂ ਲਈਆਂ। ਉਸ ਨੇ ਅਹਿਮ ਪਲਾਂ 'ਤੇ ਵਿਕਟਾਂ ਲਈਆਂ ਅਤੇ ਪਾਕਿਸਤਾਨ ਦੀ ਪਾਰੀ ਨੂੰ ਰਫ਼ਤਾਰ ਨਹੀਂ ਲੱਗਣ ਦਿੱਤੀ। ਅੰਤ 'ਚ ਬੁਮਰਾਹ ਤੇ ਜਡੇਜਾ ਨੇ ਵਿਕਟਾਂ ਲਈਆਂ ਅਤੇ ਪਾਕਿਸਤਾਨ ਦੀ ਪਾਰੀ 191 ਦੌੜਾਂ 'ਤੇ ਸਿਮਟ ਗਈ।

ਪਾਕਿਸਤਾਨ ਨੂੰ ਸੱਤਵਾਂ ਝਟਕਾ ਲੱਗਾ
ਪਾਕਿਸਤਾਨ ਦੇ ਸੱਤ ਬੱਲੇਬਾਜ਼ ਪੈਵੇਲੀਅਨ ਪਰਤ ਗਏ। ਜਸਪ੍ਰੀਤ ਬੁਮਰਾਹ ਨੇ 36ਵੇਂ ਓਵਰ ਦੀ ਦੂਜੀ ਗੇਂਦ 'ਤੇ ਸ਼ਾਦਾਬ ਖਾਨ ਨੂੰ ਕਲੀਨ ਬੋਲਡ ਕਰ ਦਿੱਤਾ। ਸ਼ਾਦਾਬ ਪੰਜ ਗੇਂਦਾਂ ਵਿੱਚ ਦੋ ਦੌੜਾਂ ਹੀ ਬਣਾ ਸਕਿਆ। ਹੁਣ ਮੁਹੰਮਦ ਨਵਾਜ਼ ਦੇ ਨਾਲ ਹਸਨ ਅਲੀ ਕ੍ਰੀਜ਼ 'ਤੇ ਹਨ।

ਭਾਰਤ ਨੂੰ ਮਿਲੀ ਛੇਵੀਂ ਸਫਲਤਾ
ਜਸਪ੍ਰੀਤ ਬੁਮਰਾਹ ਨੇ ਭਾਰਤ ਨੂੰ ਮੈਚ ਵਿੱਚ ਛੇਵੀਂ ਸਫਲਤਾ ਦਿਵਾਈ। ਕੁਲਦੀਪ ਨੇ 33ਵੇਂ ਓਵਰ 'ਚ ਦੋ ਵਿਕਟਾਂ ਲੈਣ ਤੋਂ ਬਾਅਦ ਅਗਲੇ ਹੀ ਓਵਰ 'ਚ ਬੁਮਰਾਹ ਨੇ ਟੀਮ ਇੰਡੀਆ ਨੂੰ ਵੱਡੀ ਸਫਲਤਾ ਦਿਵਾਈ। ਉਸ ਨੇ 34ਵੇਂ ਓਵਰ ਦੀ ਆਖਰੀ ਗੇਂਦ 'ਤੇ ਮੁਹੰਮਦ ਰਿਜ਼ਵਾਨ ਨੂੰ ਕਲੀਨ ਬੋਲਡ ਕਰ ਦਿੱਤਾ। ਰਿਜ਼ਵਾਨ ਅਰਧ ਸੈਂਕੜਾ ਬਣਾਉਣ ਤੋਂ ਖੁੰਝ ਗਿਆ। ਉਹ 69 ਗੇਂਦਾਂ 'ਤੇ 49 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਪਾਕਿਸਤਾਨ ਨੇ 34 ਓਵਰਾਂ 'ਚ ਛੇ ਵਿਕਟਾਂ 'ਤੇ 168 ਦੌੜਾਂ ਬਣਾਈਆਂ ਹਨ।

ਕੁਲਦੀਪ ਨੂੰ ਦੂਜੀ ਸਫਲਤਾ ਮਿਲੀ
ਸਾਊਦ ਸ਼ਕੀਲ ਨੂੰ ਆਊਟ ਕਰਨ ਤੋਂ ਬਾਅਦ ਕੁਲਦੀਪ ਯਾਦਵ ਨੇ ਇਫ਼ਤਿਖਾਰ ਅਹਿਮਦ ਨੂੰ ਵੀ ਪੈਵੇਲੀਅਨ ਭੇਜਿਆ। ਇਫਤਿਖਾਰ ਚਾਰ ਗੇਂਦਾਂ ਵਿੱਚ ਚਾਰ ਦੌੜਾਂ ਬਣਾ ਕੇ ਕਲੀਨ ਬੋਲਡ ਹੋ ਗਏ। ਕੁਲਦੀਪ ਨੂੰ ਮੈਚ ਵਿੱਚ ਦੂਜੀ ਸਫਲਤਾ ਮਿਲੀ।

ਕੁਲਦੀਪ ਨੂੰ ਪਹਿਲੀ ਸਫਲਤਾ ਮਿਲੀ
ਇਸ ਮੈਚ ਵਿੱਚ ਕੁਲਦੀਪ ਯਾਦਵ ਨੂੰ ਪਹਿਲੀ ਸਫਲਤਾ ਮਿਲੀ। ਉਸ ਨੇ 33ਵੇਂ ਓਵਰ ਦੀ ਦੂਜੀ ਗੇਂਦ 'ਤੇ ਖੱਬੇ ਹੱਥ ਦੇ ਬੱਲੇਬਾਜ਼ ਸੌਦ ਸ਼ਕੀਲ ਨੂੰ ਐੱਲਬੀਡਬਲਯੂ ਕੁਲਦੀਪ ਦੀ ਗੇਂਦ ਸ਼ਕੀਲ ਦੇ ਪੈਡ 'ਤੇ ਲੱਗੀ। ਭਾਰਤੀ ਖਿਡਾਰੀਆਂ ਨੇ ਜ਼ੋਰਦਾਰ ਅਪੀਲ ਕੀਤੀ ਪਰ ਅੰਪਾਇਰ ਨੇ ਇਸ ਨੂੰ ਨਾਟ ਆਊਟ ਐਲਾਨ ਦਿੱਤਾ। ਕਪਤਾਨ ਰੋਹਿਤ ਸ਼ਰਮਾ ਨੇ ਕੁਲਦੀਪ ਤੇ ਵਿਕਟਕੀਪਰ ਕੇਐਲ ਰਾਹੁਲ ਤੋਂ ਸਲਾਹ ਲੈ ਕੇ ਸਮੀਖਿਆ ਕੀਤੀ। ਸਮੀਖਿਆ ਤੋਂ ਸਾਫ਼ ਪਤਾ ਚੱਲਿਆ ਕਿ ਕੁਲਦੀਪ ਦੀ ਗੇਂਦ ਸਟੰਪ ਦੇ ਨਾਲ ਮੇਲ ਖਾਂਦੀ ਸੀ। ਸਾਊਦ ਸ਼ਕੀਲ ਬਾਹਰ ਹੈ। ਉਹ 10 ਗੇਂਦਾਂ 'ਤੇ ਸਿਰਫ਼ ਛੇ ਦੌੜਾਂ ਹੀ ਬਣਾ ਸਕਿਆ।

ਮੁਹੰਮਦ ਸਿਰਾਜ ਨੇ ਬਾਬਰ ਆਜ਼ਮ ਨੂੰ ਪੈਵੇਲੀਅਨ ਭੇਜਿਆ

ਭਾਰਤ ਖਿਲਾਫ਼ ਅਰਧ ਸੈਂਕੜਾ ਲਗਾ ਕੇ ਖੇਡ ਰਹੇ ਬਾਬਰ ਆਜ਼ਮ ਨੂੰ ਮੁਹੰਮਦ ਸਿਰਾਜ ਨੇ 50 ਦੌੜਾਂ ਉਤੇ ਕਲੀਨ ਬੋਲਡ ਕਰ ਦਿੱਤਾ। ਪਾਕਿਸਤਾਨ ਨੇ 31 ਓਵਰਾਂ ਵਿੱਚ ਤਿੰਨ ਵਿਕਟਾਂ ਦੇ ਨੁਕਸਾਨ ਉਤੇ 157 ਦੌੜਾਂ ਬਣਾ ਲਈਆਂ ਹਨ।

ਰਿਜ਼ਵਾਨ ਦਾ ਵਾਲ ਵਾਲ ਹੋਇਆ ਬਚਾਅ 
ਮੁਹੰਮਦ ਰਿਜ਼ਵਾਨ 14ਵੇਂ ਓਵਰ ਵਿੱਚ ਆਊਟ ਹੋਣ ਤੋਂ ਬਚ ਗਿਆ। ਰਵਿੰਦਰ ਜਡੇਜਾ ਦੀ ਦੂਜੀ ਗੇਂਦ ਸਿੱਧੀ ਉਨ੍ਹਾਂ ਦੇ ਪੈਡ 'ਤੇ ਗਈ। ਅੰਪਾਇਰ ਨੇ ਰਿਜ਼ਵਾਨ ਨੂੰ ਆਊਟ ਐਲਾਨ ਦਿੱਤਾ ਸੀ। ਇਸ 'ਤੇ ਉਨ੍ਹਾਂ ਨੇ ਕਪਤਾਨ ਬਾਬਰ ਆਜ਼ਮ ਦੀ ਸਲਾਹ 'ਤੇ ਸਮੀਖਿਆ ਕੀਤੀ। ਸਮੀਖਿਆ 'ਚ ਜਡੇਜਾ ਦੀ ਗੇਂਦ ਲੈੱਗ ਸਟੰਪ ਤੋਂ ਬਾਹਰ ਜਾਂਦੀ ਦਿਖਾਈ ਦਿੱਤੀ। ਰਿਜ਼ਵਾਨ ਵਾਲ-ਵਾਲ ਬਚ ਗਿਆ। ਪਾਕਿਸਤਾਨ ਨੇ 15.4 ਓਵਰਾਂ 'ਚ ਦੋ ਵਿਕਟਾਂ 'ਤੇ 82 ਦੌੜਾਂ ਬਣਾ ਲਈਆਂ ਹਨ। 

ਹਾਰਦਿਕ ਪਾਂਡਿਆ ਨੇ ਇਮਾਮ ਹੱਕ ਨੂੰ ਦਿਖਾਇਆ ਬਾਹਰ ਦਾ ਰਸਤਾ

ਹਾਰਦਿਕ ਪਾਂਡਿਆ ਨੇ ਭਾਰਤ ਨੂੰ ਦੂਜੀ ਸਫਲਤਾ ਦਿਵਾਈ। ਉਸ ਨੇ 13ਵੇਂ ਓਵਰ ਦੀ ਤੀਜੀ ਗੇਂਦ 'ਤੇ ਪਾਕਿਸਤਾਨੀ ਸਲਾਮੀ ਬੱਲੇਬਾਜ਼ ਇਮਾਮ ਹੱਕ ਨੂੰ ਆਊਟ ਕੀਤਾ। ਇਮਾਮ 38 ਗੇਂਦਾਂ 'ਤੇ 36 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਉਹ ਹਾਰਦਿਕ ਦੀ ਆਊਟਗੋਇੰਗ ਗੇਂਦ 'ਤੇ ਪੈਵੇਲੀਅਨ ਪਰਤ ਗਿਆ। ਵਿਕਟਕੀਪਰ ਕੇਐਲ ਰਾਹੁਲ ਨੇ ਉਸ ਦਾ ਕੈਚ ਫੜਿਆ। ਪਾਕਿਸਤਾਨ ਦਾ ਸਕੋਰ 13 ਓਵਰਾਂ 'ਚ ਦੋ ਵਿਕਟਾਂ 'ਤੇ 74 ਦੌੜਾਂ ਹੈ। ਬਾਬਰ ਆਜ਼ਮ 16 ਅਤੇ ਮੁਹੰਮਦ ਰਿਜ਼ਵਾਨ ਇੱਕ ਰਨ ਬਣਾ ਕੇ ਨਾਬਾਦ ਹਨ।

ਮੁਹੰਮਦ ਸਿਰਾਜ ਨੇ ਭਾਰਤ ਨੂੰ ਪਹਿਲੀ ਸਫਲਤਾ ਦਿਵਾਈ

ਮੁਹੰਮਦ ਸਿਰਾਜ ਨੇ ਭਾਰਤ ਨੂੰ ਪਹਿਲੀ ਸਫਲਤਾ ਦਿਵਾਈ। ਉਸ ਨੇ ਪਾਰੀ ਦੇ ਅੱਠਵੇਂ ਓਵਰ ਦੀ ਆਖਰੀ ਗੇਂਦ 'ਤੇ ਅਬਦੁੱਲਾ ਸ਼ਫੀਕ ਨੂੰ ਆਊਟ ਕੀਤਾ। ਸ਼ਫੀਕ ਆਪਣੀ ਗੇਂਦ ਨੂੰ ਲੈੱਗ ਸਾਈਡ 'ਤੇ ਖੇਡਣਾ ਚਾਹੁੰਦਾ ਸੀ, ਪਰ ਖੁੰਝ ਗਿਆ। ਗੇਂਦ ਸਿੱਧੀ ਉਸ ਦੇ ਪੈਡ 'ਤੇ ਗਈ। ਸ਼ਫੀਕ ਦਾ ਪੈਰ ਸਟੰਪ ਦੇ ਸਾਹਮਣੇ ਸੀ। ਸਿਰਾਜ ਦੀ ਅਪੀਲ 'ਤੇ ਅੰਪਾਇਰ ਨੇ ਸ਼ਫੀਕ ਨੂੰ ਆਊਟ ਐਲਾਨ ਦਿੱਤਾ। ਉਹ 24 ਗੇਂਦਾਂ 'ਤੇ 20 ਦੌੜਾਂ ਬਣਾ ਕੇ ਆਊਟ ਹੋ ਗਏ। ਸ਼ਫੀਕ ਨੇ ਇਮਾਮ ਉਲ ਹੱਕ ਨਾਲ ਮਿਲ ਕੇ ਪਹਿਲੀ ਵਿਕਟ ਲਈ 41 ਦੌੜਾਂ ਦੀ ਸਾਂਝੇਦਾਰੀ ਕੀਤੀ। ਸ਼ਫੀਕ ਦੇ ਆਊਟ ਹੋਣ ਤੋਂ ਬਾਅਦ ਪਾਕਿਸਤਾਨੀ ਕਪਤਾਨ ਬਾਬਰ ਆਜ਼ਮ ਕ੍ਰੀਜ਼ 'ਤੇ ਆਏ ਹਨ। ਪਾਕਿਸਤਾਨ ਦਾ ਸਕੋਰ ਅੱਠ ਓਵਰਾਂ ਵਿੱਚ ਇੱਕ ਵਿਕਟ ’ਤੇ 41 ਦੌੜਾਂ ਹੈ।

ਪਾਕਿਸਤਾਨ ਨੇ ਦੋ ਓਵਰਾਂ 'ਚ 16 ਦੌੜਾਂ ਬਣਾਈਆਂ

ਅਬਦੁਲ ਸ਼ਕੀਫ ਤੇ ਇਮਾਮ ਉਲ ਹੱਕ ਪਾਕਿਸਤਾਨ ਵੱਲੋਂ ਸਲਾਮੀ ਬੱਲੇਬਾਜ਼ੀ ਵਜੋਂ ਉੱਤਰੇ ਹਨ। ਪਹਿਲੇ ਓਵਰ ਵਿੱਚ ਪਾਕਿਸਤਾਨ ਨੇ 4 ਦੌੜਾਂ ਬਟੋਰੀਆਂ ਜਦਕਿ ਦੂਜੇ ਓਵਰ ਵਿੱਚ 12 ਦੌੜਾਂ ਬਣਾਈਆਂ ਹਨ। ਦੋ ਓਵਰਾਂ ਵਿੱਚ ਬਿਨਾਂ ਕਿਸੇ ਨੁਕਸਾਨ ਦੇ ਪਾਕਿਸਤਾਨ ਦਾ 16 ਸਕੋਰ ਹੋ ਗਿਆ ਹੈ।

ਪਾਕਿਸਤਾਨ ਕਰੇਗਾ ਪਹਿਲਾਂ ਬੱਲੇਬਾਜ਼ੀ

ਭਾਰਤ ਨੇ ਟਾਸ ਜਿੱਤ ਕੇ ਪਹਿਲਾਂ ਗੇਂਦਬਾਜ਼ੀ ਕਰਨ ਦਾ ਫੈਸਲਾ ਲਿਆ ਹੈ। ਇਸ ਤਰ੍ਹਾਂ ਹੁਣ ਪਾਕਿਸਤਾਨ ਪਹਿਲਾਂ ਬੱਲੇਬਾਜ਼ੀ ਕਰਨ ਲਈ ਉਤਰੇਗਾ।

ਭਾਰਤ ਦੀ ਜਿੱਤ ਲਈ ਹਵਨ ਯੱਗ ਕਰਵਾਏ ਜਾ ਰਹੇ

ਵਿਸ਼ਵ ਕੱਪ ਵਿੱਚ ਭਾਰਤ ਤੇ ਪਾਕਿਸਤਾਨ ਵਿਚਾਲੇ ਮੈਚ ਲਈ ਇੰਡੀਆ ਦੀ ਜਿੱਤ ਲਈ ਹਵਨ ਯੱਗ ਕਰਵਾਏ ਜਾ ਰਹੇ ਹਨ।

#WATCH | Patna, Bihar: Cricket fans perform havan ahead of the India Vs Pakistan World Cup match today pic.twitter.com/c2UGI4nEbW

— ANI (@ANI) October 14, 2023

ਸ਼ੁਭਮਨ ਗਿੱਲ ਦੇ ਖੇਡਣ ਦੀ ਸੰਭਾਵਨਾ

ਟੀਮ ਇੰਡੀਆ ਦੇ ਨਿਯਮਤ ਸਲਾਮੀ ਬੱਲੇਬਾਜ਼ ਸ਼ੁਭਮਨ ਗਿੱਲ ਦੀ ਇਸ ਮੈਚ 'ਚ ਵਾਪਸੀ ਹੋ ਸਕਦੀ ਹੈ। ਸ਼ੁੱਕਰਵਾਰ ਨੂੰ ਕਰਵਾਈ ਗਈ ਪ੍ਰੈੱਸ ਕਾਨਫਰੰਸ 'ਚ ਕਪਤਾਨ ਰੋਹਿਤ ਸ਼ਰਮਾ ਨੇ ਕਿਹਾ ਕਿ ਸ਼ੁਭਮਨ ਗਿੱਲ 99 ਫੀਸਦੀ ਚੋਣ ਲਈ ਉਪਲਬਧ ਹਨ ਪਰ ਉਨ੍ਹਾਂ ਨੂੰ ਪਲੇਇੰਗ-11 'ਚ ਸ਼ਾਮਲ ਕਰਨ ਦਾ ਫੈਸਲਾ ਮੈਚ ਤੋਂ ਪਹਿਲਾਂ ਲਿਆ ਜਾਵੇਗਾ।