Ram Mandir: ਰਾਮਲੱਲਾ ਦੀ ਮੂਰਤੀ ਦਾ ਰੰਗ ਕਾਲਾ ਕਿਉਂ? ਜਾਣ ਇਸ ਪਿੱਛੇ ਦਾ ਦਿਲਚਸਪ ਕਾਰਨ

Ram in Ayodhya: ਅੱਜ 22 ਜਨਵਰੀ ਨੂੰ ਰਾਮ ਮੰਦਿਰ ਵਿੱਚ ਪ੍ਰਾਣ ਪ੍ਰਤਿਸ਼ਠਾ ਦਾ ਸਮਾਗਮ ਸਮਪੰਨ ਹੋ ਗਿਆ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਆਰਐਸਐਸ ਮੁਖੀ ਮੋਹਨ ਭਾਗਵਤ ਨੇ ਪ੍ਰਾਣ ਪ੍ਰਤਿਸ਼ਠਾ ਪ੍ਰੋਗਰਾਮ ਵਿੱਚ ਪ੍ਰਮੁੱਖ ਮੇਜ਼ਬਾਨ ਵਜੋਂ ਸ਼ਾਮਿਲ ਹੋਏ ਹਨ। ਰਾਮਲਲਾ ਦੀ ਸੁੰਦਰ ਮੂਰਤੀ ਦੀ ਤਸਵੀਰ ਦੇ ਵੀ ਸਭ ਨੇ ਦਰਸ਼ਨ ਕਰ ਲਏ ਹਨ। ਇਸ ਵਿੱਚ ਭਗਵਾਨ ਸ਼੍ਰੀ ਰਾਮ ਦਾ ਬਾਲ ਰੂਪ ਦਿਖਾਇਆ ਗਿਆ ਹੈ। ਅਜਿਹੇ 'ਚ ਕਈ ਲੋਕਾਂ ਦੇ ਮਨਾਂ 'ਚ ਇਹ ਸਵਾਲ ਉੱਠ ਰਿਹਾ ਹੈ ਕਿ ਮੰਦਿਰ 'ਚ ਸਥਾਪਿਤ ਭਗਵਾਨ ਰਾਮ ਦੀ ਮੂਰਤੀ ਦਾ ਰੰਗ ਕਾਲਾ ਕਿਉਂ ਹੈ? ਆਓ, ਜਾਣਦੇ ਹਾਂ ਇਸ ਬਾਰੇ...

ਰਾਮ ਦੀ ਮੂਰਤੀ ਦਾ ਰੰਗ ਕਾਲਾ ਕਿਉਂ ਹੈ?
ਮੰਦਿਰ 'ਚ ਸਥਾਪਿਤ ਕੀਤੀ ਗਈ ਭਗਵਾਨ ਰਾਮ ਦੀ ਮੂਰਤੀ ਸ਼ਿਆਮ ਸ਼ਿਲਾ ਤੋਂ ਬਣਾਈ ਗਈ ਹੈ। ਇਸ ਪੱਥਰ ਦਾ ਰੰਗ ਕਾਲਾ ਹੀ ਹੁੰਦਾ ਹੈ। ਇਹੀ ਕਾਰਨ ਹੈ ਕਿ ਮੂਰਤੀ ਦਾ ਰੰਗ ਕਾਲਾ ਹੈ। ਇਸ ਕਾਲੇ ਪੱਥਰ ਨੂੰ ਸ਼ਾਸਤਰਾਂ ਵਿੱਚ ਕ੍ਰਿਸ਼ਨ ਸ਼ਿਲਾ ਵੀ ਕਿਹਾ ਜਾਂਦਾ ਹੈ। ਸ਼ਾਸਤਰਾਂ ਅਨੁਸਾਰ ਕ੍ਰਿਸ਼ਨ ਸ਼ਲਾ ਤੋਂ ਬਣੀ ਰਾਮ ਜੀ ਦੀ ਮੂਰਤੀ ਬਹੁਤ ਹੀ ਖਾਸ ਹੈ। ਇਸੇ ਕਾਰਨ ਇਹ ਮੂਰਤੀ ਸ਼ਿਆਮ ਸ਼ਿਲਾ ਤੋਂ ਬਣਾਈ ਗਈ ਹੈ।

ਮੂਰਤੀ ਹਜ਼ਾਰਾਂ ਸਾਲਾਂ ਤੱਕ ਰਹੇਗੀ
ਭਗਵਾਨ ਰਾਮ ਦੀ ਇਹ ਮੂਰਤੀ ਹਜ਼ਾਰਾਂ ਸਾਲਾਂ ਤੱਕ ਰਹੇਗੀ। ਦਰਅਸਲ, ਜਿਸ ਪੱਥਰ ਤੋਂ ਇਹ ਮੂਰਤੀ ਬਣੀ ਹੈ, ਉਹ ਲੰਬੇ ਸਮੇਂ ਤੱਕ ਖ਼ਰਾਬ ਨਹੀਂ ਹੁੰਦਾ। ਇਸ ਮੂਰਤੀ 'ਤੇ ਜਲ, ਚੰਦਨ ਅਤੇ ਰੋਲੀ ਲਗਾਉਣ ਨਾਲ ਕੋਈ ਅਸਰ ਨਹੀਂ ਹੋਵੇਗਾ। ਇਸ ਦਾ ਮੂਰਤੀ 'ਤੇ ਕੋਈ ਪ੍ਰਭਾਵ ਨਹੀਂ ਪਵੇਗਾ।

ਮੂਰਤੀ ਦੀਆਂ ਵਿਸ਼ੇਸ਼ਤਾਵਾਂ ਕੀ ਹਨ ?
ਰਾਮਲੱਲਾ ਦੀ ਇਸ ਮੂਰਤੀ ਦਾ ਭਾਰ ਲਗਭਗ 200 ਕਿਲੋਗ੍ਰਾਮ ਹੈ। ਇਸ ਦੀ ਉਚਾਈ 4.24 ਫੁੱਟ ਹੈ, ਜਦੋਂ ਕਿ ਇਸ ਦੀ ਚੌੜਾਈ ਲਗਭਗ 3 ਫੁੱਟ ਹੈ। ਇਸ ਮੂਰਤੀ ਨੂੰ ਮੈਸੂਰ ਦੇ ਮਸ਼ਹੂਰ ਮੂਰਤੀਕਾਰ ਅਰੁਣ ਯੋਗੀਰਾਜ ਨੇ ਬਣਾਇਆ ਹੈ। ਉਹ MBA ਕਰਨ ਤੋਂ ਬਾਅਦ ਨੌਕਰੀ ਕਰ ਰਹੇ ਸਨ, ਫਿਰ ਉਨ੍ਹਾਂ ਨੇ ਨੌਕਰੀ ਛੱਡ ਦਿੱਤੀ ਅਤੇ ਮੂਰਤੀ ਬਣਾਉਣਾ ਸ਼ੁਰੂ ਕਰ ਦਿੱਤਾ। ਮੂਰਤੀਕਲਾ ਉਨ੍ਹਾਂ ਨੂੰ ਵਿਰਾਸਤ ਵਿੱਚ ਮਿਲੀ ਹੈ।