పాలలో నానబెట్టిన అంజీర్‌లో విటమిన్ ఎ, బి6, సి, పొటాషియం అధిక మోతాదులో లభిస్తాయి. కాబట్టి ప్రతి రోజు తినడం వల్ల బోలెడు లాభాలు కలుగుతాయి.
ఈ అంజీర్‌లో ఉండే క్యాల్షియం, ఐరన్, మెగ్నీషియం, ఫైబర్ వంటి మూలకాలు అన్ని రకాల దీర్ఘకాలిక వ్యాధుల నుంచి ఉపశమనం కలిగిస్తాయి.
పాలలో నానబెట్టిన అంజీర్‌ను ప్రతిరోజు తీసుకోవడం వల్ల శరీరం యాక్టివ్‌గా తయారవుతుంది.
రాత్రంతా నానబెట్టిన అంజీర్‌లో ఉండే గుణాలు జీర్ణ క్రియ సమస్యల నుంచి కూడా సులభంగా ఉపశమనం కలిగిస్తాయి.
ఐరన్ లోపంతో బాధపడేవారు ప్రతిరోజు ఉదయం పూట పాలలో నానబెట్టిన అంజీర్ ను తినడం వల్ల మంచి ఫలితాలు పొందుతారు.
అంజీర్‌లో ఉండే ఔషధ గుణాలు రక్తహీనత, రక్తపోటు సమస్యలను తగ్గించేందుకు కూడా ప్రభావవంతంగా సహాయపడతాయి.
శరీరంలోని కొలెస్ట్రాల్‌ను తగ్గించుకోవాలనుకునేవారు తప్పకుండా డైట్లో నానబెట్టిన అంజీర్‌ను తీసుకోవాల్సి ఉంటుంది.
గొంతులో ఇన్ఫెక్షన్ తో బాధపడే వారికి కూడా అంజీర్ ఎంతో సహాయపడుతుంది. ఇందులో ఉండే గుణాలు అన్ని రకాల ఇన్ఫెక్షన్లను దూరం చేస్తాయి.
పాలలో నానబెట్టిన అంజీర్‌ను ముక్కలుగా కట్ చేసుకుని పేస్ట్ లా తయారు చేసి ముఖానికి పట్టించడం వల్ల కూడా చర్మ సమస్యల నుంచి ఉపశమనం లభిస్తుంది.
ముఖ్యంగా మొటిమలు మచ్చలతో బాధపడేవారు ప్రతిరోజు నానబెట్టిన అంజీర్ ను పేస్టులా తయారుచేసి ముఖానికి పట్టిస్తే మంచి ఫలితాలు పొందుతారు.