శరత్ కుమార్ కూతురుగా సినిమా ఇండస్ట్రీకి ఎంట్రీ ఇచ్చింది వరలక్ష్మి శరత్ కుమార్.
అయితే తండ్రి పేరుతో కాకుండా తన నటన ద్వారా ఎంతో మంది అభిమానులను సంపాదించుకుంది ఈ నటి.
మొదట్ లో హీరోయిన్ గా పలు సినిమాలలో కనిపించిన వరలక్ష్మీ శరత్ కుమార్ ఆ తరువాత నెగిటివ్ పాత్రలు సైతం ఒప్పుకొని మరింత పేరు తెచ్చుకుంది.
ముఖ్యంగా తెలుగులో క్రాక్ సినిమాలో జయమ్మ క్యారెక్టర్ లో కనిపించి తెలుగువారి మదిలో ప్రత్యేక స్థానం సంపాదించింది.
ఆ తరువాత పలు తెలుగు సినిమాలలో నెగిటివ్ రోల్స్ లో కనిపించి మంచి విజయాలు అందుకుంది.
ఈమధ్య హనుమాన్ సినిమాలో ఒక పవర్ఫుల్ రోల్ లో కనిపించి బ్లాక్ బస్టర్ విజయం సాధించింది.
ఈ నేపథ్యంలో వరలక్ష్మి శరత్ కుమార్ ముంబైకి చెందిన పెయింట్ ఆర్టిస్ట్ నికోలయ్ సచ్‌దేవ్ ని నిన్న నిశ్చితార్థం చేసుకుంది.
ఈ నిశ్చితార్థం ఫొటోలు ప్రస్తుతం సోషల్ మీడియాలో వైరల్ గా మారాయి.
దీంతో ఈ కొత్త జంటకు అభిమానులు, నెటిజన్లు శుభాకాంక్షలు తెలుపుతున్నారు. ఈ ఏదాడి లోనే వీరిద్దరి వివాహం కూడా జరగనున్నట్టు వినికిడి.