4డీ సౌండ్ టెక్నాలజీతో ఈ సినిమాని విడుదల చేయనున్నారు. ఇప్పటివరకు ఈ టెక్నాలజీతో ఏ ఇండియన్ సినిమా కూడా విడుదల కాలేదు.
ఈ చిత్రంలో సహాయక పాత్రలలో సుధాంశు పాండే, అదిల్ హుస్సేన్, కళాభవన్ షాజోన్, రియాజ్ ఖాన్, ఐశ్వర్యరాయ్ బచ్చన్ (ప్రత్యేక పాత్రలో) నటించారు.
13 సెప్టెంబరు 2018 తేదిన విడుదలైన 2.0 చిత్ర టీజర్‌కి భారీ రెస్పాన్స్ వచ్చింది. ఇటీవలే రిలీజైన ట్రైలర్ కూడా ప్రేక్షకుల మన్ననలను అందుకుంది.
2.0 చిత్రం నవంబరు 29, 2018 తేదిన ప్రపంచవ్యాప్తంగా విడుదలకు సిద్ధమవుతోంది. భారతదేశంలో ఇప్పటివరకు విడుదలైన చిత్రాలన్నింటి కన్నా ఖరీదైన చిత్రంగా ఈ సినిమాని పేర్కొనవచ్చు.
అమీ జాక్సన్ హీరోయిన్‌గా నటిస్తున్న ఈ చిత్రంలో.. అక్షయ్ కుమార్ ప్రతినాయకుని పాత్ర పోషిస్తున్నారు.
2.0 చిత్రం తమిళంతో పాటు 13 భాషల్లో అనువాదమవుతోంది.
ఏ.ఆర్.రెహ్మాన్ ఈ చిత్రానికి సంగీతం అందిస్తుండగా.. నీరవ్ షా సినిమాటోగ్రఫీ అందిస్తున్నారు. అలాగే ఆంటోనీ ఎడిటింగ్ బాధ్యతలు చూస్తున్నారు.
లైకా ప్రొడక్షన్స్ సమర్పిస్తున్న ఈ సినిమా హిందీ డబ్బింగ్ హక్కులను ధర్మా ప్రొడక్షన్స్ కైవసం చేసుకుంది.
రూ.530 కోట్ల భారీ బడ్జెట్‌తో తెరకెక్కిన 2.0 చిత్రాన్ని శంకర్ చాలా ప్రతిష్టాత్మకమైన రీతిలో తెరకెక్కించారు.
