நாடு முழுவதும் மக்களவை தேர்தல் வாக்குப்பதிவு 7 கட்டங்களாக நடக்கிறது.
வரும் ஏப். 19ஆம் தேதி தமிழ்நாடு, புதுச்சேரியில் உள்ள 40 தொகுதிகளிலும் வாக்குப்பதிவு நடைபெறுகிறது.
ஜூன் 4ஆம் தேதி தேர்தல் முடிவுகள் வெளியாகும்.
தமிழ்நாட்டில் பாஜக தலைமையிலான தேசிய ஜனநாயக கூட்டணியும் திமுக, அதிமுகவுக்கு மாற்றாக மூன்றாவது அணியாக போட்டியிடுகிறது.
இதில் பாஜக 19 தொகுதிகளில் நேரடியாகவும், மொத்தம் 23 பேர் தாமரை சின்னத்திலும் போட்டியிடுகின்றனர்.
இதில் முக்கிய வேட்பாளராக தமிழக பாஜக மாநில தலைவர் அண்ணாமலை கோவையில் போட்டியிடுகிறார்.
அண்ணாமலையின் நிகர சொத்து மதிப்பு ரூ.1.48 கோடி. இதில் அசையா சொத்து ரூ.1.12 கோடி.
அண்ணாமலை மனைவியிடம் ரூ.2 கோடி மதிப்பிலான அசையும் சொத்துகளும், ரூ.53 லட்சம் அசையா சொத்துகளும் உள்ளதாக வேட்புமனு தாக்கலின் போது பிரமாண பத்திரத்தில் குறிப்பிடப்பட்டுள்ளது.