பொதுவாக கருப்பு நிறம் பலருக்கு பிடித்தமான நிறமாக இருக்கின்றது. ஆனால் கார் வாங்கும்போது கருப்பு கார் வாங்க வேண்டாம் என வீட்டில் உள்ள பெரியவர்களும் சில நிபுணர்களும் கூறுவதுண்டு. இதற்கான காரணம் என்ன?
மற்ற நிற கார்களை ஒப்பிடும் போது இது வெப்பக்காற்றை அதிகமாக உள்ளிழுக்கிறது. இதனால் இதன் உட்பாகம் விரைவாகவும் அதிகமாகவும் சூடாகிறது.
கருப்பு கார் நீண்ட நேரம் வெயிலில் பயணித்தால் காருக்குள் உஷ்ணம் அதிகமாகிறது. இதை குளிர வைக்க அதிக நேரம் ஆகும்.
கருப்பு நிற காரில் தூசி, அழுக்கு ஆகியவை விரைவில் படிந்துவிடுகின்றன. இதை அவ்வப்போது சுத்தம் செய்ய வேண்டிய அவசியம் இருக்கிறது.
கருப்பு நிற காரை எவ்வளவு நன்றாக சுத்தம் செய்தாலும், இதில் Swirl Marks அதாவது சுழற்சி குறிகள் அப்படியே இருக்கின்றன. இவை காண்பதற்கு நன்றாக இருப்பதில்லை.
கருப்பு நிற காரில் சிறிய கீறல் விழுந்தாலும், அது மிகத் தெளிவாகத் தெரியும்.
கருப்பு நிற கார் அதிக நேரம் வெயிலில் நிறுத்தப்பட்டால் அதன் நிறம் வேகமாக மங்கி விடுகிறது. நிறம் மங்குவது இதன் மிகப்பெரிய பிரச்சனையாக உள்ளது.
வெளிச்சம் குறைவாக உள்ள இடத்தில் கருப்பு நிறம் பளிச் சென்று தெரிவதில்லை. ஆகையால் விபத்து ஏற்படும் ஆபத்தும் அதிகமாக உள்ளது.