வெற்றி அடைவதற்கான 7 ரகசியங்கள்...!

1 . பணம்தான் உண்மையான செல்வம் என நிறைய பேர் நினைக்கிறார்கள். ஆனால், நல்ல உறவுகள், நல்ல ஆரோக்கியம், சிறந்த அனுபவங்கள் போன்றவையே உண்மையான செல்வங்களாகும்.

2. சிறப்பான திட்டம்தான் வெற்றிக்கான வழியென கூறப்படுவது உண்டு. ஆனால், அது உண்மையல்ல. திட்டம் மட்டுமே வெற்றியைத் தராது. அந்தத் திட்டத்தை எவ்வாறு அர்த்தமுள்ள வகையில் செயல்படுத்தி, வெற்றி அடைகிறோம் என்பதே முக்கியமாகும்.

3. கல்வி மட்டுமே வெற்றிக்குப் போதாது. கல்வி என்பது அறிவை வளர்க்கும் ஒரு வழிமுறை மட்டும்தான். நம்முடைய சுயகற்றல், அனுபவங்கள் போன்றவைதான் வெற்றிக்கு மிகவும் அவசியமானவை ஆகும்.

4. Too Late, Too Old என யாரும் சொன்னால், அங்கேயே நின்றுவிடாதீர்கள். உங்களிடம் நல்ல திட்டமும் ஆர்வமும், செயல்படும் திறனும் இருக்கிறது எனில், உங்கள் வயது ஒரு தடையே இல்லை. உடனே தாமதிக்காமல் செயல்படத் தொடங்குங்கள்.

5. ஏட்டுச் சுரைக்காய் கறிக்கு உதவாது என்பதுபோல, நீங்கள் இணையத்தில் படித்தது, புத்தகத்தில் படித்தது உதவாது. உங்களது உண்மையான அனுபவம், பிறர் கூறக் கேட்ட கேள்வியறிவு, அனுபவ அறிவு போன்றவைதான் வெற்றிக்கு உண்டான காரணிகள்.

6. சிறப்பானவர்கள் மட்டுமே எளிதில் வெற்றி அடைவார்கள் என்றில்லை. நமது வெற்றியை நோக்கிய எண்ணங்கள் வித்தியாசமாகவும், கிரியேட்டிவிட்டியுடனும் இருந்தால் போதும், எளிதாக வேலையை முடித்து வெற்றியடைய முடியும்.

7. வெற்றியடைய நிறைய குறுக்கு வழிகள் உள்ளன. ஆனால், குறுக்கு வழியில் கிடைக்கும் வெற்றியில் கிடைக்கும் திருப்தி தற்காலிகமானது. இதில் அர்த்தம் கிடையாது. ஆனால், கடினமாக உழைத்து, தோல்வி அடைந்து, அதன் மூலம் கிடைக்கும் அனுபவத்தின் மூலம் கிடைக்கும் வெற்றிதான் உண்மையில் சுவையானது.