யூரிக் அமில அதிகரிப்பு இன்றைய காலகட்டத்தில் ஒரு பொதுவான பிரச்சனையாகிவிட்டது. இது மோசமான உணவுப் பழக்கம் மற்றும் வாழ்க்கை முறை காரணமாக ஏற்படுகின்றது.
உடலில் யூரிக் அமில அளவு அதிகரித்தால் மூட்டுவலி மற்றும் பாதங்களில் வீக்கம் ஏற்படுகிறது. உணவில் சிறிய மாற்றங்களை செய்தால், இந்தப் பிரச்சனையைச் சமாளித்துவிடலாம்.
சுரைக்காய் உடலில் உள்ள யூரிக் அமில அளவை கட்டுப்படுத்த பல வழிகளில் உதவுகின்றது. தினமும் இதன் சாறு குடித்து வந்தால், சில நாட்களில் விளைவு தெரியும்.
இதில் உள்ள வைட்டமின்-பி, சி, இரும்புச்சத்து, ஃபோலேட், பொட்டாசியம் மற்றும் மெக்னீசியம் போன்ற பல ஊட்டச்சத்துக்கள், எலும்பு தொடர்பான பிரச்சனைகளுக்கு மிகவும் பயனுள்ளதாக இருக்கும்.
இதில் உள்ள நச்சு நீக்கும் பண்பு மூட்டுகளில் படிந்துள்ள யூரிக் அமிலத்தை அகற்றி, கீல்வாதம் பிரச்சனை வராமல் தடுக்கிறது.
சுரைக்காய் சாறு தயாரிக்க, இதன் தோலை உரித்து, துண்டுகளாக நறுக்கி, தண்ணீரில் போட்டு கொதிக்க வைத்து ஆறவைக்கவும்.
அதன் பிறகு அதை மிக்ஸியில் நன்றாக அரைக்கவும். இந்த சாற்றுடன் சிறிது உப்பு சேர்த்து பருகவும்.
இந்த சாற்றை தினமும் காலையில் வெறும் வயிற்றில் உட்கொள்வது யூரிக் அமில அளவை வேகமாக குறைக்கலாம்.