மாதுளையின் மருத்துவ குணங்கள் பிரசித்தி பெற்றது. ஆரோக்கியத்திற்கு மட்டுமல்ல, மனதிற்கும் நாவிற்கும் இனிமையை கொடுக்கும் மாதுளம்பழத்தின் ஆரோக்கிய நன்மைகள் அதை சூப்பர்ஃப்ரூட் என்று சொல்ல வைக்கிறது
வைட்டமின் சி, வைட்டமின் கே, பொட்டாசியம் மற்றும் நார்ச்சத்து போன்ற சத்துக்கள் மாதுளையில் ஏராளமாக உள்ளன. இந்த ஊட்டச்சத்துக்கள் உங்கள் உடலின் ஆற்றல் அளவை அதிகரிக்கின்றன
மாதுளம்பழம் நோயெதிர்ப்பு மண்டலத்தை வலுப்படுத்துவதுடன், தொற்றுநோய்களை எதிர்த்துப் போராட உதவுகின்றன. இது தவிர, செரிமானத்தை மேம்படுத்தி வயிறு தொடர்பான பிரச்சனைகளை நீக்குகிறது.
செரிமானத்தை மேம்படுத்தி, செரிமான கோளாறுகளைத் தடுக்கவும் மாதுளை உதவும். மாதுளையில் ஈஸ்ட்ரோஜன் அளவைக் கட்டுப்படுத்தும், ஹார்மோன் சமநிலையை ஊக்குவிக்கும் கலவைகள் உள்ளன.
மாதுளம்பழத்தில், கணிசமான அளவு ஆன்டிஆக்ஸிடன்ட்கள் பாலிபினால்கள் இருப்பதால் இதய ஆரோக்கியம் மேம்படும்
அழற்சி எதிர்ப்பு சேர்மங்களைக் கொண்ட மாதுளை, புற்றுநோயைத் தடுப்பதில் கணிசமான பங்காற்றுவதை மருத்துவ ஆராய்ச்சிகள் நிரூபித்துள்ளன.
நார்ச்சத்து மற்றும் அழற்சி எதிர்ப்பு கலவைகளை அதிக அளவில் கொண்ட மாதுளையை தொடர்ந்து உண்டு வந்தால், செரிமான ஆரோக்கியம் மேம்படும்
சருமப் பராமரிப்பிலும் மாதுளை சிறப்பான பங்களிக்கிறது. சக்திவாய்ந்த அழற்சி எதிர்ப்பு, வயதாவதை தள்ளிப்போடும் பண்பு மற்றும் ஆக்ஸிஜனேற்ற பண்புகளுக்காக அழகையும் அதிகரிக்கும் பழம் இது.
மாதுளையில் உள்ள எலாஜிக் அமிலம் மற்றும் புனிகலஜின் உள்ளிட்ட ஆன்டிஆக்ஸிடன்ட்கள், ஃப்ரீ ரேடிக்கல்களால் ஏற்படும் சேதத்திலிருந்து சருமத்தைப் பாதுகாக்கவும், தோல் மீளுருவாக்கத்தை ஊக்குவிக்கவும் உதவுகிறது.