विमानप्रवास करत असताना इतक्या महाकाय विमानाला योग्य ठिकाणी नेणाऱ्या आणि हवेत या विमानासह उड्डाण भरणाऱ्या वैमानिकाचं अर्थात पायलटचं प्रचंड कौतुक वाटतं.
तुम्हाला कधी प्रश्न पडलाय का, की हवेतील या प्रवासामध्ये कधी Air Traffic होतं का? वैमानिक कधी हॉर्नचा वापर करतात का? इथं सर्वात महत्त्वाचा प्रश्न म्हणजे वैमानिकांसाठी कॉकपिटमध्ये हॉर्नची तरतूद असते का?
विमानांना हॉर्न नसला तरीही पायलटकडे अशा सुविधा असतात जिथं त्यांना जमिनीवर असणाऱ्या कर्मचारी किंवा विमानाच्या इतर वैमानिकांना संकेत देता येतात.
विमानांमध्ये सिग्नल, लाईट आणि रेडिओ कम्युनिकेशन्स अशा सुविधा असतात. रनवेववर असताना पायलट या माध्यमातून संवाद साधत माहिती देतात.
विमानांमधील टक्कर आणि कोणतीही दुर्घटना टाळण्यासाठी ही माध्यमं अतिशय फायद्याची ठरतात.
काही विमानतळांवर पायलट जमिनीवरील कर्मचाऱ्यांना माहिती देण्यासाठी विमानाच्या लाईटची मदत घेतात. रात्रीच्या वेळी या लाईट अतिशय फायदेशीर ठरतात.