दणक्यात विकल्या जात आहेत 150-200 CC च्या या बाईक्स; HERO लिस्टमधून बाहेर

भारतीय बाजारपेठेत कम्युटर सेगमेंटमध्ये 100 सीसी बाईक्सला प्रचंड मागणी असते. पण ग्राहकांमध्ये स्पोर्ट्स बाईकचीही मोठी क्रेझ आहे.

गेल्या काही वर्षांपासून 150-200 सीसी सेगमेंटमधील बाईक्सने वेग पकडला आहे. ऑक्टोबर महिन्यात या सेगमेंटमधील बाईक्सने चांगली कामगिरी केली आहे.

150-200 सीसीमधील टॉप 5 सर्वात्तम बेस्ट सेलिंग दुचाकींबद्दल यानिमित्ताने जाणून घ्या

Yamaha MT15 - किंमत 1.68 लाख

यामाहा एमटी 15 च्या विक्रीत वेगाने वाढ झाली आहे. ऑक्टोबरमध्ये या बाईकच्या 13405 युनिट्सची विक्री झाली आहे, जी मागील वर्षाच्या ऑक्टोबरच्या 8736 च्या तुलनेत 53 टक्के जास्त आहे.

Yamaha FZ - 1.36 लाख

Yamaha FZ चौथ्या क्रमांकावर आहे. ऑक्टोबरमध्ये या बाईकच्या 17,874 युनिट्सची विक्री झाली आहे. गतवर्षीच्या ऑक्टोबरच्या 18,000 युनिट्सच्या तुलनेत हा आकडा थोडा कमी आहे.

Honda Unicorn - 1.12 लाख

होंडा युनिकॉर्न तिसऱ्या क्रमांकावर आहे. ऑक्टोबरमध्ये युनिकॉर्नच्या 31,768 य़ुनिट्सची विक्री झाली आहे, जी गतवर्षीच्या 16,404 च्या तुलनेत 93 टक्के जास्त आहे.

Bajaj Pulsar - 1.47 लाख

बजाज पल्सर दुसऱ्या क्रमांकावर आहे. गतवर्षी ऑक्टोबर महिन्यात पल्सरच्या 57,198 युनिट्सची विक्री झाली होती. यावर्षी 36,336 युनिट्सची विक्री झाली आहे.

TVS Apache - 1.20 लाख

टीव्हीएस अपाचे पहिल्या क्रमांकावर आहे. कंपनीने एकूण 50,097 युनिट्सची विक्री केली आहे. गतवर्षी ऑक्टोबर महिन्यात बाईकच्या 39,187 युनिट्सची विक्री झाली होती. यावेळी 27 टक्के वाढ झाली आहे.

महत्त्वाची बाब म्हणजे या यादीत देशातील सर्वात मोठ्या दुचाकी कंपन्यांपैकी एक HERO ची एकही बाईक नाही. हिरो एक्स्ट्रीम आणि हिरो एक्स्पल्स नवव्या आणि दहाव्या क्रमांकावर आहे.