मुंबई इंडियन्सच्या बॉलिंग कोचपदी 'या' माजी स्टार खेळाडूची नियुक्ती!
मागील वर्षा आयपीएलमध्ये फायनलपर्यंत न पोहचू शकलेल्या मुंबई इंडियन्सने नवी रणनिती आखण्यास सुरूवात केली आहे.
आयपीएल इतिहासातील सर्वात यशस्वी संघ असलेल्या मुंबई इंडियन्सने आयपीएल 2024 ची तयारी सुरू केल्याचं दिसतंय.
आगामी आयपीएलच्या पार्श्वभूमीवर आता मुंबई इंडियन्स संघाने बॉलिंग कोचपदी एका अनुभवी खेळाडूची नियुक्ती केली आहे.
श्रीलंकेचा दिग्गज वेगवान गोलंदाज लसिथ मलिंगा याला गोलंदाजी प्रशिक्षकपदी नियुक्त करण्यात आलं आहे.
मलिंगाने मुंबईसह खेळताना चार वेळा आयपीएल विजेतेपदे देखील पटकावली आहेत.
मलिंगा राजस्थान रॉयल्सची साथ सोडून आता मुंबई इंडियन्समध्ये शेन बाँड याची जागा घेईल.
2022 मध्ये मलिंगाने राजस्थान रॉयल्सचा गोलंदाजी प्रशिक्षक म्हणून धुरा सांभाळली होती. त्यानंतर आता तो मुंबईच्या संघात सामील होणार आहे.