भुशी डॅम ओव्हर फ्लो

वीकेंडला पर्यटकांची तुफान गर्दी!

पावसाळ्यात वीकेंड डेस्टिनेशन म्हणून ओळखल्या जाणाऱ्या लोणावळ्यात मागील दोन दिवसांपासून सुरू असलेल्या पावसामुळे आल्हाददायक वातावरण तयार झालंय.

संपूर्ण मावळ तालुक्यात मुसळधार पावसाने हजेरी लावली आहे. त्यामुळे मावळच्या सौंदर्यात भर पडलीये.

पर्यटन नगरी म्हणून ओळखल्या जाणाऱ्या लोणावळ्यात देखील आल्हाददायक वातावरण तयार झालंय. त्यामुळे पर्यटकांना लोणावळा आता आकर्षित करू लागला आहे.

अनेक पर्यटक लोणावळ्यात वर्षा विहाराचा आनंद घेण्यासाठी आता गर्दी करू लागले आहेत. पावसाचा जोर वाढल्याने भुशी धरणाच्या पायऱ्यावरून पाण्याचा वेग वाढलाय.

पायऱ्यांवर बसून भिजण्याचा आनंद पर्यटकांना घेता येत नसला तरी बाजूला येऊन पर्यटक आनंद घेत आहेत.