झारखंडमधील गिरिडीह जिल्ह्यामधील तीन तरुण बाईकवरुन हजारीबागवरुन धनबादला जात होते.
मात्र नेमका रस्ता ठाऊक नसल्याने या तरुणांनी गुगल मॅपची मदत घेतली. पण हाच निर्णय त्यांच्या जीवाशी बेतला.
गुगलने जो रस्ता दाखला त्यावरुन जाताना नदीच्या पाण्यात हे तिघे प्रवास करत असलेली बाईक वाहून गेली.
या तिघांपैकी एकाने नदीतून पोहत बाहेर येत आपला जीव वाचवला.
मात्र अन्य दोघेजण बेपत्ता झाले आहेत. यापैकी एकाचा मृतदेह मिळाला असून दुसऱ्याचा शोध सुरु आहे.
ही घटना गिरिडीह येथील बरगंडा-सिरिया मार्गावरील नदीच्या पुलाजवळ घडली.
या घटनेची माहिती मिळताच मुफस्सिल पोलिस स्टेशनचे प्रमुख आणि इतर अधिकारी घटनास्थळी दाखल झाले.
बचाव पथकाच्या मदतीने नदीमध्ये या बेपत्ता तरुणांचा पोलिस शोध घेत आहेत.
बेपत्ता तरुणांचा खंडोली धरणाजवळ पाण्यात शोध घेण्यासाठी पाणबुड्यांना पाचारण करण्यात आलं आहे.
बाईक रस्त्यावरुन घसल्याने तोल जाऊन आम्ही नदीत पडल्याचं वाचलेल्या तरुणाने सांगितलं. (सर्व फोटो प्रातिनिधिक)