वारंवार लघवीला होत असली तरी काही लोक याकडे दुर्लक्ष करतात. ही फार क्षुल्लक बाब असल्याचं अनेकांना वाटतं.
विशेषत: वृद्धांना वारंवार लघवी होणे हा वाढत्या वयाचा नैसर्गिक परिणाम आहे असं वाटतं. पण, तसं अजिबात नाही.
जास्त प्रमाणात पाणी किंवा इतर द्रव प्यायल्याने वारंवार लघवी होऊ शकते. पण जेव्हा ही सर्व कारणं नसतानाही वारंवार लघवी येते, तेव्हा हे एखाद्या गंभीर आजाराचं लक्षण असतं.
अतिक्रियाशील मूत्राशयाला (Overactive Bladder) ओएबी देखील म्हणतात. यामुळे लघवीची वारंवार आणि अचानक इच्छा होते, जी नियंत्रित करणं कठीण होतं.
मूत्रमार्ग किंवा मूत्राशयाच्या संसर्गामुळे देखील वारंवार लघवी होते. वास्तविक, (यूटीआय) हा मूत्र प्रणालीचा संसर्ग आहे.
या स्थितीच्या लक्षणांमध्ये वेदनादायक लघवी, तुमच्या बाजूला किंवा पाठीच्या खालच्या भागात वेदना जाणवणे आणि वारंवार लघवी होणे यांचा समावेश होतो.
वारंवार लघवी होणे हे मधुमेहाचे एक सामान्य लक्षण आहे. जर तुम्हाला टाइप 1 किंवा टाइप 2 मधुमेह असेल तर तुम्ही ही तक्रार करु शकता.
मधुमेहामध्ये तुमची किडनी रक्त फिल्टर करण्यासाठी ओव्हरटाईम काम करते आणि त्यामुळे तुम्हाला जास्त प्रमाणात द्रव सोडावा लागतो.
पुरुषांमध्ये, प्रोस्टेट ही गोल्फ-बॉल-आकाराची ग्रंथी असते जी इजेक्युलेशन दरम्यान सोडले जाणारे काही द्रव बनवते. अशा परिस्थितीत, जसे जसे तुमची वाढ होते, तुमचे प्रोस्टेट वाढते पण जर ते खूप मोठे झाले तर समस्या निर्माण होऊ शकतात.
वाढलेले प्रोस्टेट तुमच्या मूत्रसंस्थेवर दबाव आणू शकते, ज्यामुळे वारंवार लघवी होते.
इंटरस्टिशियल सिस्टिटिसमुळे लोकांना वारंवार लघवीही होते. या स्थितीत, तीव्र वेदना ते सौम्य अस्वस्थता आहे. वास्तविक ही स्थिती मूत्राशय सिंड्रोम म्हणून ओळखल्या जाणार्‍या रोगांच्या स्पेक्ट्रमचा भाग आहे.
गरोदरपणातही वारंवार लघवी होण्याची समस्या असते. कारण, या अवस्थेत मूत्राशय आकुंचन पावतो. बाळ शरीरात जास्त जागा घेत असल्याने हे घडतं.
चिंतेमुळे स्नायूंवर ताण येतो, ज्यामुळे मूत्राशयाच्या स्नायूंवर परिणाम होतो, ज्यामुळे वारंवार लघवी करण्याची इच्छा निर्माण होते.